Petersen o bvisela khagala zwine zwa ita uri Phili a tewe nga Chiefs

Mukapuṱeni wa thimu ya Kaizer chiefs Vho-Brandon Petersen vhari mutambi muswa ane a khou sainwa Langelihle Phili u na zwothe zwine a khou zwi toda uri a kone u thoma zwavhudi kha Naturena.

Phili o dzhena kha Amakhosi ino vhege a tshi bva kha Stellenbosch FC nga murahu ha khalanwaha ya vhudi he a kora zwikoro zwa sumbe.

Musi vha tshi khou amba kha u rwelwa ṱari ha MTN8 ngei Johannesburg nga Ḽavhuraru, Vho-Petersen vho amba uri mutambi wa miṅwaha ya 21 o no vha takadza kale kha gym.

“Kha nṋe, u vhona mutambi muswa a tshi dzhena na u dowela nga u ṱavhanya ndi tshiga tshavhuḓi,” ho amba Petersen.

“Kanzhi zwi dzhia tshifhinga uri vhatambi vhaṱuku vha ḓowele, fhedzi musi ndi tshi mu ṱalela ndo vha ndi tshi zwi ḓivha uri o ḓiimisela u vha fhano.”

Petersen uri zwe zwa mu takadza vhukuma ndi fulufhelo ḽe Langelihle Phili a ḽi sumbedza u bva tshe a dzhena kha Kaizer Chiefs.

• VHALANI HAFHU : Kilaba PSL i khakhathini na Fifa, yo iledzwa u nwalisa vhatambi

Langelihle Phili zwino u do vha a tshi khou sedza u isa phanda na fomo yawe ya vhudi ya Stellenbosch FC musi a tshi khou thoma vhutshilo hawe vhuswa kha Kaizer Chiefs.