Mulaedza wa Du Preez wa u onesa vha Kaizer Chiefs
Ashley Du Preez o nwala vhurifhi vhu bvaho mbiluni ha u onesa tshigwada tsha Kaizer Chiefs nga murahu ha musi o dzhena kha tshigwada tsha Stellenbosch FC lwa tshiofisi.
Mutambi wa minwaha ya 29 o bviselwa khagala nga Stellenbosch nga Lavhuvhili.
U vhuya hawe kha Stellies zwo vha zwi tshipiḓa tsha thendelano ya u tshintshana vhatambi, zwe zwa ita uri Langelihle Phili a dzhene kha Amakhosi.
Ashley Du Preez u khou ṱutshela Kaizer Chiefs nga murahu ha miṅwaha miṋa, o dzhena u bva Stellenbosch nga 2022.
Musi a tshi posa kha zwileludzi zwa vgudavhidzani, Du Preez o livhuwa muṅwe na muṅwe we a vha e tshipiḓa tsha lwendo lwawe ngei Naturena.
“Nga murahu ha minwaha miṋa i sa hangwei, ndi tshifhinga tsha u vala ndima iyi ye ya nthusa vhukuma vhutshiloni,” Du Preez o ṅwala.
“Ndi livhuwa Kaizer Chiefs kha u tenda kha mutukana we a vha e na muloro na u nṋea tshikhala tsha u ambara jeresi ya thimu ye nda aluwa ndi tshi i tikedza.”
O amba uri u tamba kha thimu ine vha i funa u bva vhuṱukuni havho ndi iṅwe ya ndugelo khulwanesa vhutshiloni havho.
“Ndi livhuwa vhagudisi vhoṱhe, vhatambi ngae, vhashumi na muṅwe na muṅwe we a shuma .
“Ngudo, khaedu, u kunda, u kundwa na zwihumbudzo zwoṱhe zwo nthusa uri ndi vhe mutambi na muthu wa khwine.”
- VHALANI HAFHU: Parker o amba nga ha mutambo wa u thoma na Siwelele
O dovha a khoḓa vhatikedzi vha Chiefs kha u dzulela u mu tikedza.
“Kha vhatikedzi, ndi livhuwa lufuno lwaṋu, thikhedzo yaṋu na u ima na nṋe zwifhingani zwavhuḓi na zwivhi.”