Ncanana o bvisela khagala zwe a amba nga ha Pirates
Mukapuṱeni wa thimu ya Durban City Vho-Siphamandla Ncanana vho bvisela khagala zwe vha amba zwe zwa sinyusa vhaofisiri vha Orlando Pirates musi khalanwaha yo fhiraho i tshi khou ya u fhela.
Nga murahu ha u tamba 0-0 ngei Orlando Amstel Arena, Ncanana, we a ṋewa pfufho ya Munna wa Mutambo, o amba uri Pirates ndi “dzina fhedzi.”
Hayo maipfi ha ngo ṱanganedzwa zwavhuḓi kha kamp ya Pirates. Muṅwe wa vhaofisiri vha thimu, Mpumi Khoza, o vhonala a tshi khou sasaladza vhatambi nga murahu ha mutambo, a tshi vha vhudza uri vha tendele vhathu vha sa ṱhonifhi Pirates.
Thimu dzi do dovha dza tangana nga Mugivhela Orlando Amstel Arena kha MTN8, zwine zwa ita uri tshiṱori tshi vhe na maanḓa vhukuma.
Vho-Siphamandla Ncanana vhari vhathu vho vha vha sa pfesesi zwavhuḓi zwe vha vha vha tshi khou amba nga ha Orlando Pirates nga tshenetsho tshifhinga.
“Zwine nda nga amba ndi uri khamusi vhathu a vho ngo pfesesa maipfi anga,” ho amba Ncanana.
“A si uri ndo vha ndi sa ṱhonifhi Pirates kana ndo vha ndi na vengo khavho.
“Roṱhe ri a zwi ḓivha uri Pirates ndi thimu khulwane kha bola ya milenzhe ya Afrika Tshipembe.”
O amba uri musi malugwane a tshi thoma mutambo, ho vha ho no vha kale u vhidza madzina a thimu.
A zwi tsha vha zwa Pirates kana inwe thimu.” ho engedza mutambi.
Siphamandla Ncanana o phetha nga u ri: “Ndo vha ndi tshi khou lingedza u amba uri ri fanela u vha na maanḓa, hu si u sa ṱhonifha Orlando Pirates.”