Pirates yo mangadza thimu ya Mpumalanga nga 6-0

Pirates yo mangadza thimu ya Mpumalanga nga 6-0 kha mutambo wa Betway Premiership nga Swondaha nga masiari.

Rele Mofokeng o kora zwikoro zwiraru zwa Orlando Pirates nahone a nangiwa sa Mutambi wa Mutambo wa Nṱhesa Tshitediamu tsha Mbombela.

Zwiṅwe zwikoro zwo bva kha Kamogelo Sebelebele, Tsepang Moremi na hede ya Mlungisi Mbunjana.

Musi a tshi amba nga murahu ha mutambo, uri zwipikwa ndi mvelelo dza mushumo we vha u ita gym.

O amba uri o sedza kha u khwinisa nḓila ine a dzhia zwikoro zwi tshi tevhela zwikhala zwinzhi zwe a vha nazwo kha mutambo wo fhiraho.

Pirates yo ita draw 1-1 na Siwelele FC nahone yo vha i tshi nga wina mutambo nga tshivhalo tshihulwane.

“Ndi ḓo thoma nga u livhuwa vhatambi nga nṋe, ro shuma nga maanḓa, nahone u kunda uhu ho vha ho fanelwa,” ho amba mutambi.

“Ro shuma vhege yoṱhe ri tshi khou lugisela hoyu mutambo.Zwo vha zwi songo leluwa u wina hoyu mutambo fhedzi ro takala nga phondo tharu nahone ro zwi lavhelela nga maṱo matswuku.”

Musi a tshi khou amba nga ha u kora zwikoro zwiraru kha mutambo muthihi, Mofokeng o ri ndi vhuḓipfi ho khetheaho.

“Hezwi ndi vhuḓipfi ho khetheaho vhukuma… Ndi kale ndi sa athu u dzhia tshikoro,” ho amba Mofokeng.

“Ndi kale ndi sa khou tamba nga heyi nḓila nahone ndi vhona u nga hezwi zwi ḓo ita uri zwitatisitiki zwanga zwi vhe zwavhuḓi.

“Zwi ḓo dovha zwa ṱuṱuwedza fulufhelo ḽanga nahone ndi ḓo bvela phanḓa na u shuma nga maanḓa, a thi nga ḓo fhela mbilu.”

• VHALANI HAFHU: Musa Khawula o vala mavharivhari a uri o lovha

O mbo ḓi bvukulula uri o ṋea zwikoro zwinzhi ngauri ha ṱoḓi u dovholola zwe a ita mafheloni a vhege o fhiraho.