Makgopa na Mabasa vha khou todiwa Turkey

Mutambi wa tshigwada tsha Orlando pirates Evidence Makgopa na munwe mutambi ane a kha di tou bva u vhofhololwa u bva kha tshigwada itshi, Tshegofatso Mabasa vha khou todiwa nga tshigwada tsha Turkey.

Vhatambi avha hu na khonadzeo ya uri vha sa tambe kha fhano kha khalanwaha i ḓaho sa izwi hu tshi khou pfala uri vha kha mutevhe wa vhatambi vhane Erzurumspor FK ya khou ṱoḓa u vha saina.

Makgopa u kha di vha fhasi ha thendelano na Pirates, ngeno Mabasa zwa zwino a si na tshigwada nga murahu ha musi o fhambana na Buccaneers mafheloni a khalanwaha yo fhelaho.

Mabasa o vha a tshi khou ṱangana na Kaizer Chiefs, fhedzi u swika zwino a hu athu fhela thendelano.

U ya nga muvhigo wa gurannḓa ya Turkey, Tıbbıye Bülteni, Erzurumspor i khou ṱoḓa mutambi o khwaṱhaho muvhilini, a re na vhukoni ha u kora zwikoro na vhukoni ha u tamba e eṱhe phanḓa.

Hu pfi vhagudisi vha thimu vha khou toda mutambi ane a nga tamba muyani, a ṱavhanya u ḓowela u ṱhaselwa nga u ṱavhanya na u ranga phanḓa u ṱhaselwa.

• VHALANI HAFHU : Mutambi wa matambwa vho Seputla Sebogodi vho lovha

Arali avha vhatambi vha phanḓa – kana muṅwe wavho – a fhedza e kha thimu, vha ḓo vha vhatambi vha u thoma vha Afrika Tshipembe u tamba kha thimu.

Thimu iyi yo vha i na Siphiwe Tshabalala kha bugu dzayo lwa miṅwaha i si gathi yo fhiraho.