Da Cruz u fhulufhedzisa vhatikedzi vha Chiefs u wina zwiphuga

Mugudisi wa thimu ya Kaizer Chiefs Vho-Fernando Da Cruz vho fhulufhedzisa vhatikedzi uri tshipikwa tsha thimu ndi u wina zwiphuga ino khalanwaha.

Fhedzi u amba uri zwenezwo zwi ḓo swikelelwa tshifhinga tshi kho ḓiya, hu si nga u ṱavhanya sa zwine vhatikedzi vha zwi tama.

Musi vha tshi khou amba phanḓa ha mutambo wa u vula khalanwaha ya Betway Premiership na Kruger United nga Mugivhela, Vho-Da Cruz vho amba uri Chiefs i tea u thoma ya thoma zwavhuḓi kha ḽigi.

“Tshipikwa tshashu ndi u wina zwiphuga,” ho amba Da Cruz.

“Ri thimu khulwane ine ya vha na ḓivhazwakale khulwane, vhatikedzi vhanzhi na zwipikwa zwihulwane.

“Fhedzi vhukando ha u thoma ndi u thoma ligi zwavhudi. Nga murahu ha zwenezwo, ri do  lwela zwiphuga.”

Vhupfiwa uhu vhu khou ḓa nga murahu ha musi zwenezwino vho tenda uri tshigwada tshavho a tsho ngo ḓiimisela u ṱaṱisana na Orlando Pirates na Mamelodi Sundowns kha u dzhia tshiphuga tsha ligi.

Fhedzi-ha, o amba uri zwenezwo zwi nga shanduka arali thimu ya kona u mu wanela vhaṅwe vhatambi vhane vha nga ṱhasela.

Kaizer chiefs i kha di vha na nyambedzano na Stellenbosch fc uri vha dzhie winger Langelihle Phili.

• VHALANI HAFHU : Pfufho dza Muzika dza Crown Gospel dzo wana mulambedzi muswa

Fernando Da Cruz uri u khou toda vhatambi vhane vha nga tamba kha zwikhala zwo fhambanaho mudavhini ngauri ndi mufuda wa mutambi une wa todea kha bola ya milenzhe ya musalauno.

Arali Phili a saina, u khou lavhelelwa u ṱanganelana zwavhuḓi na nḓila ine Fernando Da Cruz a ṱoḓa Kaizer Chiefs i tshi tamba ngayo.