Phala u vhilaedziswa nga tshiimo tsha Shabalala kha Chiefs

Mutambi wa kale wa thimu ya kaizer chiefs, Thuso phala, o sumbedza u vhilahedzwa nga tshiimo tsha mutambi wa vhukati Mduduzi Shabalala.

Izwi zwi khou da nga murahu ha mafhungo a uri uyu mutambi o litsha u tevhela Chiefs kha social media.

Hezwi zwo vusa mavharivhari manzhi a uri hu nga vha na thaidzo vhukati ha Shabalala na kilabu ya Naturena.

Phala uri u na fulufhelo la uri ahuna tsho khakheaho, fhedzi arali hu na thaidzo i fanela u tandululwa nga ndila yo teaho.

“Ndi a fulufhela uri a hu na zwine zwa khou itea vhukati ha Kaizer Chiefs na Mduduzi Shabalala.

“Ro zwi vhona kha social media uri o litsha u tevhela thimu,” ndi Phala.

“Arali hu na thaidzo, zwi a ṱungufhadza u vhona mutambi muswa a tshi lingedza u bvisela khagala vhuḓipfi hawe kha zwileludzi zwa vhudavhidzani . Heyo a si nḓila yo teaho.”

Vho amba uri Shabalala u fanela u amba na vhane vha vha tsini nae, hu tshi katelwa na muṱa wawe na mulanguli wawe, arali a tshi khou ṱangana na tshifhinga tshi konḓaho.

“Kha vhatikedzi vha Chiefs, Mdu ndi muṱoḓo wa thimu.Ri ṱoḓa u mu vhona a tshi aluwa na u vha muṅwe wa vhatambi vha khwine.”

Vho-Phala vhari zwi a konadzea uri u sa vha tshipida tsha thimu nga tshifhinga tsha ndugiselo dza pre-season zwi nga vha zwo shela mulenzhe kha hezwi.

• VHALANI HAFHU : Kaizer Chiefs i  ṱoḓa u saina mutambi wa Bafana Bafana 

Vho dovha vha amba uri vhatikedzi vha Kaizer Chiefs vha khou lavhelela u vhona Mduduzi Shabalala na Mfundo Vilakazi vhe vhoṱhe mudavhini, zwine zwa ḓo thusa thimu uri i kone u bvelela kha ino khalanwaha.