Malema o ṱhasela mupodikhasi a ḓivheaho Mac G

Murangaphanḓa wa lihoro ḽa EFF Vho-Julius Malema vho sasaladza mu Podcast a ḓivheaho Vho-Mcgyver “Mac G” Mukwevho,

Vha tshi vha pomoka uri vha khou shumisa pulatifomo yavho ya Podcast and Chill u thithisa vhaswa vha Afrika Tshipembe kha zwa polotiki.

Musi vha tshi khou amba kha mushumo wa EFF, Vho-Malema vho amba uri podcast yo no vha “ḽihoro ḽa polotiki” ḽine ndivho yaḽo ndi u bvisa vhaswa kha zwa polotiki.

 Vho-Malema vho dovha vha pomoka muhashi uyu uri u amba nga vhutsilu nga ha vhathu vhatsu na mafhungo a Afrika ngeno a tshi ḓi sumbedza sa mupondwa tshifhinga tshoṱhe musi a tshi sasaladzwa.

Vho isa phanḓa na u amba uri Mac G u tenda uri u na ṱhuṱhuwedzo u fhira zwine a vha zwone nahone a sasaladza u ṱhaselwa hawe nga vhathu vha tshitshavha, hu tshi katelwa na Minnie Dlamini.

• VHALANI HAFHU : Oprah ṋetshedza tshikolo tshawe muvhuso

Vho-Malema vho vhambedza zwine zwa vha kha Mac G na zwa mufarisa muphuresidennde wa kale wa EFF Vho-Mbuyiseni Ndlozi, vhari nyambedzano dza Vho-Ndlozi ndi dza pfunzo nahone dzi na vhaeni vha thonifheaho.

Mac G o vha a sa athu fhindula khagala kha zwe zwa ambiwa nga tshifhinga tsha u vhiga.