Mutambi wa matambwa vho Seputla Sebogodi vho lovha

Mutambi wa matambwa wa kale wa Afrika Tshipembe Vho Seputla Sebogodi vho lovha.

Kha tshitatamennde, vha muta wa ha Sebogodi vho khwathisedza uri vho fhira fhano shangoni nga madekwana a Lavhuraru nga nthani ha vhuleme vhu tshimbilelanaho na vhulwadze ha swigiri.

Vho vha vha tshi ḓivhiwa vhukuma sa Kenneth Mashaba kha Generations nahone vha dovha vha tamba kha dzifilimu dzi ngaho Rhythm City, The River na Scandal! vhukati ha dzinwe nnzhi.

Sebogodi o dovha a tamba kha mveledziso ya theatre ‘Black Moon’, ye ya vha yo ṱaniwa kha Vhuṱambo ha National Arts Festival ya ṅwaha uno ngei Makhanda.

“Ifa ḽawe ḽi ḓo bvela phanḓa nga mushumo wawe u mangadzaho na matshilo manzhi e a a kwama,” ho vhaliwa kha tshitatamennde.

• VHALANI HAFHU: Mofokeng u vhonala o dzula zwavhuḓi ngei Belgium

Muṱa wo humbela u vha na tshifhinga musi u tshi khou lila u xelelwa huhulwane na u tshimbila tshifhingani tshi konḓaho vhe vhoṱhe.