Lwendo lwa vhasingo lwa uya venda

Vha Singo vho bva madzivhani Mahulwane vho livha Venḓa.

 Vho swika Vhukalanga (Zimbabwe) vha dzula lwa tshifhinganyana vhukati ha Vhakalanga.

 Khosi ya Vhakalanga nga tshenetsho tshifhinga ho vha hu Tshivhi we a vha a tshi ofhiwa nahone a tshi ṱhonifhiwa vhukuma nga vhathu vha hawe na tshakha dza tsini.

Tshilume ombodi rumela vharunwa kha Vho-Tshivhi uri vhavha vhudze uri vhasongo vhilaela nga uvha hone ha Singo sa izwi vha Singo vha kha ndilani ya u livha devhula.

Fhedzi vhaofisiri vha vhuṱoli vha Tshivhi vho vha vho no mu tsivhudza kale nga ha Singo na ngoma yavho ya masalamusi .

Ngauralo musi vhaḓinḓa vha Tshilume vha tshi swika musanda wa Tshivhi u isa tshanḓa tsha vhukonani,

Tshivhi o mbo ḓi humbula uri vho vha vhe hone u mu ṱhasela. Vhanna vha Tshivhi vho mbo ḓi ṱhasela vhaḓinḓa vha Tshilume.

 Vhaḓinḓa vha Tshilume vha humela kha khosi yavho u mu vhudza uri vho ṱhaselwa nga vhanna vha Tshivhi.

Tshilume a rumela vhahali vhawe uri vha ye u ṱhasela Tshivhi vha tshi khou thusiwa nga Ngomalungundu.

Hu pfi ho vhulawa vhahali vhanzhi vha Tshivhi nahone Tshivhi a farwa a iswa Tshilume. Tshivhi a humbela pfarelo kha Tshilume a vhofhololwa.

Tshivhi o mbo ḓi humela musanda wawe he nga murahu a vhulawa nga tshigwada tsha vhafumakadzi vhe vha vha vho sinyuwa uri vhanna vhavho na vharwa vhavho vho vhulahwa nga ṅwambo wa tsheo ya Tshivhi ya u ṱhasela vha Singo.

Afha ndi he ha bva hone vese i tevhelaho kha tshiṅwe tsha zwirendo zwa Tshivenḓa:

Tshivhi ndi ndau khulu. Yo ofhiwa nga vhanna, ya vhulawa nga vhasadzi. yowee! Vhanna vho ladzwa lwa u sa vuwa nga Ratshilumela wa Ṅwali”.

Vha Singo vho hangwa uri vha khou tea u pfulutshela devhula vha dzula lwa tshoṱhe Vhukalanga.

Vhalani hafhu:Zwitori nga ha Ngomalungundu.

Source: luonde.co.za

Translator: Nthaduleni rolivhuwa