Nirvana Nokwe o pomoka Bonko Khoza sexual assault
Mutambi wa kale wa Outlaws Nirvana Nokwe o thoma phethishini ine ya khou humbela tshanduko khulwane kha nḓowetshumo ya dzifilimu na thelevishini Afrika Tshipembe.
Nga murahu ha musi o pomoka mutambi ngae Bonko Khoza uri o mu tambudza lwa vhudzekani kha sethe ya *Red Ink* nga 2023.
Nokwe uri tshiwo itshi tshi sumbedza mvelele yo ṱanḓavhuwaho ya u tambudzwa, u fhumula, na u sa dzhia vhuḓifhinduleli nga nḓowetshumo ya u ḓimvumvusa.
Hune vhashumi vhanzhi vha ofha u amba ngauri zwi nga vhaisa mishumo yavho.
O amba uri o vhiga tshiwo itshi kha vhavhusi na mubveledzi muhulwane wa mveledziso, fhedzi a hu na vhukando vhu pfalaho ho dzhiiwaho.
Uya nga ha ene, o dovha a tsivhudzwa uri u bvela khagala zwi nga tshinya vhumatshelo hawe kha nḓowetshumo.
Nga murahu ha mavharivhari a tshitshavha o itwaho nga ḽa 16 shundunthule 2026, fhungo iḽi ḽo vusa khanedzano khulwane kha inthanethe.
Nokwe ubva tshe a dzhia tsheo ya u litsha zwa u tamba dzifilimu a livhisa ṱhogomelo kha u shandukisa sisiteme ine a tenda uri yo mufeila na vhanwe vhanzhi kha nḓowetshumo.
Phethishini yawe i ita khuwelelo ya sisiṱeme dza u ṋetshedza ḽaisentsi dzo ḓiimisaho nga dzone dziṋe, vhugudisi ha vhuḓifari ho ḓisendekaho kha u trauma , na maitele a ṱhoḓisiso a re khagala u itela u tsireledza khwine vhatambi na vhasiki kha u tambudzwa na u shumiswa luvhi.
Nga dzi 18 shundunthule, phethishini yo vha yo no wana saini dzi fhiraho 700 u bva kha vhatikedzi vhane vha khou tikedza vhupo ha mushumo ho tsireledzeaho na vhu re na vhuḓifhinduleli kha sekithara ya vhuḓimvumvusi ya Afrika Tshipembe.