Modiba uri Sundowns i khou rabela uri Pirates i kundelwe
Vho-Aubrey Modiba vha Mamelodi Sundowns vhari a vha athu laṱa fulufhelo ḽa u dzhia tshiphuga tsha Betway Premiership nahone vha kha ḓi vha na fulufhelo ḽa uri Orlando Pirates i ḓo dovha ya kundelwa.
Zwa zwino Sundowns yo sedza kha mutambo wa u fhedzisela wa Caf Champions League.
Nahone hune Betway Premiership ya fhela hone a zwi tsha vha zwandani zwavho zwino.
Modiba o kora tshikoro tshithihi musi Sundowns i tshi kunda AS FAR nga 1-0 kha mutambo wa u thoma wa mutambo wa u fhedzisela wa Champions League.
Fhedzi uri ngeno Mamelodi Sundowns yo sedza khaphu, iṱo ḽithihi ḽi kha Orlando Pirates.
Pirates yo vha yo tamba 0-0 nga Durban City nga Mugivhela — mvelelo ine ya ita uri fulufhelo ḽa Sundowns ḽi dzule ḽi tshi khou tshila.
Vho-Modiba vho tenda uri vhatambi vho vha vha tshi khou vhona mutambo wa Pirates nahone mvelelo yo vha fha fulufhelo.
“Musi vha tshi tamba ro vha ri tshi kha ḓi vha na fulufhelo, ri dzula ri na fulufhelo ḽa uri tshiṅwe na tshiṅwe tshi a konadzea.
“Fhedzi ri dovha ra ḓivha vhuimo ha Orlando Pirates, na uri vha ṱoḓa ligi lungafhani.”
Naho thimu ya Orlando pirates i tshi kha ḓi vha na lufuno lwa u wina ligi, Mamelodi Sundowns a i athu laṱa fulufhelo tshoṱhe.
Buccaneers i kha di tea u wina musi i tshi tangana na Orbit College FC kha mutambo wa u fhedzisela uri i kone u vha vhahali.