Zwitori nga ha Ngomalungundu.

Uya nga ha mvelele ya Singo, vha Singo vho vha vha tshi bva kha madzivha mahulwane kha ḽa Afrika Vhukati.

Mvelele iyi i amba uri vha Singo vho vha vhe na ngoma ya masalamusi ine ya ḓivhiwa sa Ngomalungundu.

Heyi yo vha i ngoma khethwa ya Ṅwali, Mudzimu Muhulwane wa Vhasingo.

 Ngomalungundu yo vha i pfumo na tshiṱangu tsha vha Singo.

Ṅwali hu tendiwa uri o ita vhuṱolo nga heyi ngoma ine ya vha na maanḓa a vhungome na u vhulaha.

Nga u ofha Ngomalungundu, zwinwe zwigwada zwo ḓiṋekedza kana zwa shavha maanḓa a u vhulaha a Singo.

Hupfi khosi ya Singo, musi vhe Vhukati ha Afrika, ho vha hu Tshilume (Ratshilumela).

 Nnḓu yawe ya vhuhosi yo vha i tshi ḓivhiwa sa Matongoni.

Hu pfi o laedzwa nga Ṅwali uri a ye devhula.

Nwali o muvhudza uri u fanela u shumisa Ngomalungundu u vhusa vhathu vhane a ḓo kunda shango ḽavho.

Murangaphanḓa wa Vhandalamo o vha e muṱhogomeli wa Ngomalungundu.

 Ngomalungundu, uya nga ha ndaela dza Mwali, yovha i sa faneli u kwama fhasi.

 Yo vha i tshi tea u hwaliwa nga vhanna vha rathi vha Vhandalamo kana Vhalemba musi vha tshi khou pfuluwa fhethu vha tshi ya kha huṅwe na musi Vhasingo vhe nndwani.

Musi i sa khou sudzuluswa kana u shumiswa, yo vha i tshi fanela u vhewa fhethu ho tsireledzeaho hune ya sa ḓo kwama fhasi.

• Vhalani hafhu:Zwitori nga ha Lwamondo Kop.

Source: http://vendatv.com

Translator : Nthaduleni Rolivhuwa