Tshidimela tsha zwa mutakalo tsha Phelophepa tshi do dalela Louis Trichardt

Tshidimela tsha Ndondolo ya Mutakalo tsha Phelophepa tshi khou lavhelelwa u ṋetshedza tshumelo dza ndondolo ya mutakalo Tshiṱitshini tsha Tshiporo tsha Louis Trichardt u bva nga ḽa 1 u swika nga ḽa 5 Fulwi na ḽa 8 u swika nga ḽa 12 Fulwi. 

U ṱoliwa ha ndeme ha mutakalo na ṱhogomelo ya maṋo zwi hone. 

Tshiimiswa tsha ṱhogomelo ya mutakalo tshi tshimbilaho tshi ḓo shuma u bva nga 07:30 u swika nga 16:00 nga maḓuvha a vhukati ha vhege.

Tshi tshi ṋetshedza tshumelo dzo fhambanaho dza ṱhogomelo ya mutakalo ya phuraimari dzo livhiswaho kha u khwinisa tswikelelo ya ṱhogomelo ya zwa mishonga kha zwitshavha zwi si na tshumelo.

Tshumelo dzi ḓo katela ndingo dza mahala dza mutakalo nga u angaredza, nyeletshedzo, ndingo dza vhulwadze ha swigiri, pfunzo ya cancer na u sedzulusa, khathihi na u sedzulusa pap smears, prostate na maḓamu.

Kiḽiniki ya maṋo ya tshidimela i ḓo ṋetshedza u sedzulusa na pfunzo ya mahala, ngeno u bvisa, u ḓadza na u kunakisa zwi tshi ḓo ita R10.

Tshumelo dza maṋo dzi ḓo vha dza mahala kha vhana vha miṅwaha ya 16 u ya fhasi.

Kiḽiniki ya maṱo i ḓo dovha ya ṋetshedza ndingo dza mahala dza u maṱo. Mangilasi a do dura R30  phere ngeno marotha a mato a tshi do dura R5.

Fhedziha, u ita mushumo wa maṱo na bifocals a zwi wanali nga kha tshumelo. 

Vhadzudzanyi vho amba uri tshumelo dza nyeletshedzo dzi ḓo ṋetshedzwa nga vhaḓivhi vho ṱanganedzwaho u itela u thusa vhathu vhane vha khou sedzana na nyimele dzi tsikeledzaho vhutshiloni.

Vhabebi na vhaunḓi vho eletshedzwa uri vha fhelekedze vhana vhaṱuku vhane vha khou ṱoḓa tshumelo dza mutakalo.

• VHALANI HAFHU: Nirvana Nokwe o pomoka Bonko Khoza sexual assault

Vhadzulapo vha ṱuṱuwedzwa u swika hu tshe na tshifhinga na u ḓa na garaṱa dzavho dza kiliniki, sa izwi dzilafho ḽi tshi ḓo ṋetshedzwa nga nḓila ya “first come first serve “.