Bafana Bafana

Middendorp kha tshikhala tshawe tsha u dzhia vhudzulo ha Hugo Broos

HuMugudisi wa kale wa Kaizer Chiefs Vho Ernst Middendorp vho fhindula kha uri vha nga vha mugudisi o teaho u dzhia vhudzulo ha mugudisi muhulwane wa Bafana Bafana Bafana Vho ​​Hugo Broos nga murahu ha mitambo ya 2026 ya FIFA World Cup.

Vho-Hugo Broos vha minwaha ya 74 vho fulufhedzisa u ṱuwa Afrika Tshipembe nga murahu ha mitambo ya ḽifhasi u itela u ḓiphina nga u awela mushumo shangoni ḽavho ḽa Belgium.

Uya nga ha vha dzangano ḽa bola ya milenzhe ḽa Afrika Tshipembe [SAFA], u ṱoḓa muthu ane a ḓo dzhia vhudzulo ha Broos zwo no thoma.

Middendorp u na tshenzhemo fhedzi hu si na thimu ya lushaka 

“A thi athu vhuya nda gudisa thimu ya lushaka kha miṅwaha yanga yoṱhe ya 33,” Middendorp o vhudza KickOff.

“U vha mugudisi muhulwane wa thimu ya lushaka a si zwithu zwa u tamba, mushumo hoyu ndi wa ndeme vhukuma, u u ita u ṱoḓa vhukuma tshenzhemo na vhutsila hu si ṱhanziela fhedzi.

” U fanela u dovha wa sedze na vhatambi vhane vha khou tamba nnḓa ha Afrika Tshipembe hu si vhane vha khou tamba kha PSL fhedzi,” ho amba mugudisi wa kale wa Maritzburg United.

Middendorp uri hezwi a si nga ṅwambo wa u sa ḓifulufhela fhedzi zwi bva kha u pfesesa hawe uri thimu ya lushaka ndi vhupo ho khetheaho nahone arali a tshi fanela u dzhena khaho, u fanela u vha o tenda ngaho 100%.

Mugudisi wa Germany o amba uri u na vhukoni, naho zwo ralo u tenda uri u na tshenzhemo ṱhukhu kha u sedzana na ṱhoḓea dza thimu ya lushaka sa mugudisi muhulwane.

Mugudisi wa kale wa Chiefs wa minwaha ya 67 uri u do takalela u vha tshipida tsha thimu ya thekhinikhala ya thimu ya lushaka kha World Cup arali a humbelwa u ita ngauralo.