Cardoso na mulaedza wo khwathaho kha PSL 

Mugudisi wa thimu ya Mamelodi Sundowns Vho-Miguel Cardoso vho humbela vhurangaphanda ha ligi ya bola ya milenzhe ya Premier League uri vha humbule hafhu nga ndila ine mitambo ya dzudzanywa ngayo.

Mugudisi wa Portugal o fhedza o wina Caf Champions League lwa vhuraru.

Sundowns yo wina tshiphuga tshayo tsha vhuvhili kha thonamente nga murahu ha u tamba nga 1-1 na ASFAR ngei Morocco, ya wina nga 2-1 kha ṱhanganyelo.

Fhedzi musi vha tshi khou pembelela u bvelela ha dzhango, Miguel Cardoso o dovha a ṋea ngeletshedzo kha vhalanguli vha PSL.

Mugudisi wa Mamelodi Sundowns u tenda uri mbekanyamushumo ya PSL i khou konḓela kilabu dzine dza khou tamba kha muṱaṱisano wa CAF.

“Ndi tenda uri arali Afrika Tshipembe ḽi tshi ṱoḓa u wina Champions League hafhu tshifhingani tshi ḓaho, hu fanela u vha na tshanduko,” Cardoso o ralo.

“Ndi zwa ndeme u fhaṱa nyimele dza khwine na thikhedzo yo teaho kha dzikiḽaba dzine dza khou tamba kha ḽeveḽe iyi.”

Miguel Cardoso o sumbedza u huvhala ha vhatambi vha ndeme vha ngaho Thapelo Morena, Aubrey Modiba na Bathusi Aubaas sa vhuṱanzi.

“Vho vha vha tshi nga ri thusa vhukuma kha final.”

Mamelodi Sundowns yo sedzana na mbekanyamushumo i konḓaho kha ino khalanwaha.

Vhari vha tamba kha Champions League vha dovha vha tea u tamba kha PSL.

Ndi ngazwo Miguel Cardoso a tshi tenda uri PSL i tea u dzhia tsheo ya ndeme uri zwigwada zwayo zwi kone u shuma zwavhuḓi kha dzhango.

• VHALANI ZWINWE :   Black Coffee ngei The O2 Arena  London

“Ri tea u thusa dzikiḽaba uri dzi bvele phanḓa khwine na u ṱaṱisana zwavhuḓi Afrika,” vho engedza nga u ralo.