bola

Matlou u khou takala u thoma ndima ntswa kha Stellies 

George Matlou uri u khou takalela u thoma ndima ntswa kha mushumo wavho wa bola ya milenzhe nga murahu ha musi o saina thendelano ya tshifhinga tshilapfu na Stellenbosch FC.

Mutambi uyu wa minwaha ya 28 o dzhena kha Stellies nga murahu ha musi o fhambana na Kaizer Chiefs mafheloni a khalanwaha yo fhelaho.

Matlou uri Stellenbosch ndi thimu yo dzudzanyeaho zwavhuḓi, ine ya vha na muya wa u kunda, nahone zwenezwo zwo vha zwinwe zwa zwiitisi zwihulwane zwe zwa ita uri a nange u isa phanḓa na mushumo wawe ngei Cape Winelands.

“Ndo takala vhukuma u vha fhano na u vha tshipiḓa tsha Kiḽaba ya Bola ya Milenzhe ya Stellenbosch,” ho amba Matlou.

“Ndo lavhelela u thoma lwendo ulwu luswa lwe nda lu khetha.”

“Stellenbosch ndi thimu yo dzudzanyeaho zwavhuḓi, i tamba bola ya milenzhe yavhuḓi na u lwa kha khalanwaha iṅwe na iṅwe.

George Matlou o engedza nga uri: “Ndi ḓivhona sa tshipiḓa tsha zwenezwo.”

“Musi ndi tshi khou vha ṱalela na u tamba navho miṅwahani yo fhiraho, ndo zwi ṱhogomela uri heyi ndi thimu i re na muya wa u kunda nahone ndi thimu ine nda nga aluwa nga maanḓa.

“A zwi nga ḓo vha khalanwaha yo leluwaho, nahone holu ndi lwendo lulapfu. Fhedzi arali ra sedza kha mutambo muṅwe na muṅwe na u dzula ri na lutamo lwa u kunda, ri nga khunyeledza zwithu zwihulwane roṱhe.”