Somizi u amba nga khaedu dzine dzada na u bvelela na tshelede

 Hu na lushaka lwa u bvelela lune lwa vhonala lu lwa vhuḓi nga nnḓa, fhedzi nga ngomu, muthu u pfa a si na tshithu.

Somizi Mhlongo u a zwi ḓivha zwavhuḓi, ngauri kha vidio yawe ye ya bvelela kha TikTok nga ḽa 9 Fulwana 2026, o zwi talutshedza.

O vhea tshifanyiso tshawe tsha muthu wa bvumo thungo u itela u amba nga ha masiandoitwa a u vha na tshelede kha dakalo ḽa muthu.

Mutambi wa matambwa wa Sarafina ndi munwe wa vhathu vhane vha divhea vhukuma kha la Afrika Tshipembe.

Fhedzi murahu ha tshifanyiso tshawe tshi penyaho hu na munna ane a khou lwa na ngoho ye a vha a songo i lavhelela.

Somizi o aluwa a tshi tenda uri u bvelela kha zwa masheleni zwi ḓo mu ḓisela dakalo ḽa tshoṱhe, sa izwi o aluwa a tshi khou shaya.

O shuma nga maanḓa u swikelela u bvelela, a vuwa kha vhushai a sika mvelaphanḓa ine vhanzhi vha nga si kone u i swikelela.

Fhedzi u vha kha ḽiṅwe sia ḽa vhutshilo zwo mu sia e na mbudziso dzaho dzoṱhe.

“Ndo aluwa ndi tshisiwana, muṱani wo ḓalaho lufuno na vhududo.Ro vha ro takala, ngauri ndo vha ndo no hangwa uri ndi tshisiwana, fhedzi ndi kha ḓi vha tshisiwana.

“Nahone vhutshilo hanga hoṱhe, ndo vha ndi tshi ḓivhudza uri ndi ḓo vha muṅwe wa vhane vha ḓo fhelisa vhushai.”

O ita nga u ralo, fhedzi ho ngo wana u fushea mbiluni yawe.

• VHALANI HAFHU: Matlou u khou takala u thoma ndima ntswa kha Stellies 

“Ndi khou ṱoḓa u awela kha vhathu vhane vha sedza kha nṋe uri vha kone u tshila.Ndi khou ṱoḓa u awela kha vhathu vhane vha humbula uri ndi na zwoṱhe na uri vha nga ḓa vha dzhia zwoṱhe zwine vha zwi ṱoḓa.

Ndi khou toda u fhumula kha vhathu vhane vha dzhia tshelede yavho vhada vha humbela thuso ngauri vha a zwidivha uri ndi nga vha thusa,” ndi Mhlongo.