Season II ya Amalanga Awafani i disa talente nnzhi

Nga ṅwedzi wa lambamai 2025, vhaṱaleli vha SABC1 vho ḓivhadzwa nga ha theḽenovela ntswa ya Amalanga Awafani.

Mutevhe u kwamaho u ṱoḓisisa nga vhuronwane mvelelo dzi shandulaho vhutshilo dza lupfumo lwa u ṱavhanya.

I tshi itea kha vhupo ha mahayani ha Umzinyathi, nganea i tevhela malwelavanda, Sabelo na Thembi Gumede, vhe vha wana thikhithi ya lotto yo wina nahone vha dzhena kha shango ḽe vha vha vha sa athu vhuya vha ḽi humbula, ḽine ḽa vha na vhuimo ha nṱha, tshikhala, na khaedu dzi songo lavhelelwaho.

Musi vha tshi khou tshimbila kha vhutshilo havho vhuswa ḓoroboni khulwane, vhushaka ha kale vhu a vuwa, nahone adzhenda dzo dzumbamaho dzi a bvelela, zwine zwa vha kombetshedza u vhudzisa uri lupfumo lwavho lu ḓo ḓura hani zwa vhukuma.

U bva tsheetsho mafhungo o shanduka, a engedza zwiṅwe zwithu zwi takadzaho. Zwino Amalanga Awafani i khou bvisa season yayo ya vhuvhili madekwana ano.

  Vhaṱaleli vha nga lavhelela zwithu zwi tshuwisaho, vhudipfi vhu re na maanḓa, na zwifhinga zwi sa hangwei zwine zwa ḓo ita uri muṅwe na muṅwe a dzule a tshi amba!

Nga ntha ha vhatambi vhane vha vha hone, khalanwaha ntswa i khou divhadza muta muswa une wa vhidzwa vha Dumas.

Miraḓo ya muṱa ndi Ncibijana Madlala sa Zaqheqhe, Sannah Mchunu sa Majele, Thokozani Nzima sa Sandlasenkosi, Zazi Kunene sa Ntando na Craig Nobela sa Fenda.

Hu dovha ha vha na Aramis Ngwenya sa Sfuba, Ayanda Phambana sa Nobesuthu, na Sipho Mbele, ane a tamba sa muhura wa nosy Mahlangu.

• VHALANI HAFHU:   Black Coffee ngei The O2 Arena  London 

Season 2 ya Amalanga Awafani i do thoma nga Musumbuluwo wa dzi 25 dza shundunhule 2026 kha SABC1.