Mofokeng u vhonala o dzula zwavhuḓi ngei Belgium

Relebohile Mofokeng u vhonala o dzula zwavhuḓi ngei Royale Union Saint-Gilloise ngei Belgium.

Kiḽaba yo mu tendela uri a dzhie luṱingo lu bvaho kha mulanguli wa zwileludzi zwa vhudavhidzani uri a fhindule vhatikedzi vhawe.

Vhatikedzi vhapo vho dzhena kha social media ya tshigwada vha vhudzisa nga ha mutakalo wa Mofokeng ubva tshe a dzhena kha tshigwada.

Nṱhani ha u vha fhindula nga u sumbedza zwinepe zwawe, vho sokou mu ṋea luṱingo vha mu vhudza uri a ye live a ambe na vhatikedzi.

“Hello vhathu, ni songo vhilaela, ndi fhano”oralo Mofokeng.

“Ndo dzhia founu ya mulanguli wa social media uri ni kone u mmbona. Ndo livhuwa.”

Ho mbo ḓi tevhela zwifanyiso zwa Relebohile Mofokeng e gym na vhatambi ngae vhaswa. Thimu i khou gudiswa ngei Netherlands.

Mutambi uyu wa minwaha ya 21 u bva kha Orlando Pirates nahone o rengwa nga mbadelo ine ya anganyelwa kha R56 million.

O saina thendelano ya miṅwaha miṋa ine ya ḓo mu vhulunga kha kilabu u swika nga 2030.

Thimu nnzhi dzo vha dzi tshi mufuna fhedzi o nanga Union SG sa haya hawe huswa.

• VHALANI HAFHU : Ouaddou o bvisela khagala mafhungo awe a uri ‘o neta’ 

Zwino ngauri Relebohile Mofokeng o thoma u guda na thimu yawe ntswa, hu na fulufhelo ḽihulwane ḽa u mu vhona a tshi vha tamba.