Ashley du preez o vhuyelela kha Stellenbosch FC

Stellenbosch FC yo ḓivhadza lwa tshiofisi u vhuya ha mutambi wa phanḓa Ashley Du Preez,

We a dzhena kha tshigwada nga thendelano ya tshoṱhe u bva kha tshigwada tsha Kaizer Chiefs.

Mutambi wa phanḓa o bebwaho Idas Valley o thoma mushumo wawe wa u tamba kha Stellenbosch nga 2016 nahone o tamba mitambo ya 98 kha mitatisano yoṱhe kha miṅwaha ya rathi a sa athu dzhena kha Chiefs phanḓa ha khalanwaha ya 2022/23.

Mutambi wa minwaha ya 29 o fhedza khalanwaha nṋa kha Naturena, he a thusa Amakhosi u wina khaphu ya Nedbank ya 2025, zwa fhelisa u lindela ha tshifhinga tshilapfu ha kilabu u wana zwiphuga.

Musi a tshi amba nga murahu ha u vhuya, Du Preez o amba uri o vha a tshi dzulela u tenda uri ḽiṅwe ḓuvha u ḓo vhuya Stellenbosch.

“Ndo vha ndi tshi dzulela u zwi ḓivha uri ndi ḓo vhuya Stellenbosch. Ndi zwavhuḓi u vhuya he nda alutshela hone na kha kilabu ye zwoṱhe zwa thoma kha nṋe. Ndi khuliso khulwane na ndugelo u imela kilabu iyi na tshitshavha hafhu,” o ralo.

Mulanguli muhulwane wa Stellenbosch FC Vho-Rob Benadie vho ṱanganedza mutambi uyu murahu, vha ri tshigwada tsho takalela u ḓisa muṅwe wa vhatambi vhatsho hayani hatsho.

Du Preez o ṋetshedzwa dzhesi ya vhufumi ine ya vha na bvumo nahone a nga tamba lwa vhuvhili kha Stellenbosch musi vha tshi ḓo ṱangana na Polokwane City kha Betway Premiership nga ḽa 11 Ṱhangule.

• VHALANI HAFHU : Tshegofatso Mabasa o wana haya huswa, o fhelisa u humbulela

Kaizer Chiefs na yone yo khwaṱhisedza u pfulutshela hawe na u livhuwa Du Preez kha u ḓikumedzela hawe nga tshifhinga tsha miṅwaha miṋa ye a vha e kha Naturena.
“