Tshegofatso Mabasa o wana haya huswa, o fhelisa u humbulela

Mutambi wa kale wa Orlando pirates Tshegofatso Mabasa o fhelisa mavhari-vhari nga ha vhumatshelo hawe sa izwi o saina kha kilabu ntswa.

O dovha a ita ḓivhazwakale nga u vha mutambi wa u thoma wa Afrika Tshipembe u sainwa nga vhahali vha Morocco, MAS Fès.

O saina thendelano ya miṅwaha mivhili, e na khetho ya u engedza ṅwaha.

O sainiwa musi MAS Fès i tshi khou khwaṱhisa tshigwada tshayo phanḓa ha musi hu tshi thoma Ḽigi ya Vhaṱaṱisani vha Caf ya 2026/27.

Kiḽaba yo vha i tshi khou ṱoḓa u mu renga kha khalanwaha yo fhiraho, fhedzi Tshegofatso Mabasa o dzhia tsheo ya u dzula na Orlando Pirates nga tshenetsho tshifhinga.

O vha a tshi khou ṱoḓa u vunda rekhodo ya u kora zwikoro zwinzhi kha ḓivhazwakale ya kilabu.

Hezwo a zwo ngo itea sa izwi o fhedza o hadzimiwa kha inwe kilabu ngauri o vha a siho kha pulane dza muhulu Abdeslam Ouaddou.

Zwino mutambi uyu u thoma luṱa luswa lwa mushumo wawe ngei Morocco, hune a ḓo ranga phanḓa u ṱhaselwa ha MAS Fès kha ḽigi na Caf Champions League.

Musi a sa athu saina kha kilabu iyi, Tshegofatso Mabasa o vha a tshi ṱumana na kilabu dzo vhalaho hu tshi katelwa na Kaizer Chiefs

• VHALANI ZWINWE : Gabisile Kha telenovela ya Mzansi Magic lnimba

Vho vha vha tshi dovha vha vha na vhushaka na Pyramids FC ya Egypt ye zwenezwino ya thola Rulani Mokwena sa mugudisi.