Zwane u bvisela khagala zwine zwa muṱuṱuwedza u tamba

Mutambi wa vhukati wa Mamelodi Sundowns Vho-Themba Zwane vho bvisela khagala zwine zwa vha ṱuṱuwedza uri vha vhe na lutamo lwa u tamba kha vhuimo ha nṱhesa musi vhe na miṅwaha ya 36, ​​vha tshi khou fara miṅwaha ya 37 nga murahu ha  World cup ya 2026.

Zwane o pfufhiwa nga u engedzwa ha thendelano nga murahu ha musi o ita ḓivhazwakale nga u wina CAF Champions League lwa vhuvhili na Sundowns.

A zwo ngo leluwa miṅwaha mivhili yo fhiraho kha ‘Mshishi’, we a xelelwa nga tshigwada tsha Bafana Bafana tsha 2025 Africa Cup of Nations, nga murahu ha musi a sa koni u fhola nga tshifhinga nga ṅwambo wa u huvhala ha tshifhinga tshilapfu.

Mutambi wa Tembisa o vha a tshi tea u sedzana na mushumo wo fhungudzwaho nga nḓila i si yavhuḓi kha ino khalanwaha nga fhasi ha mugudisi muhulwane Miguel Cardoso fhedzi ndeme yawe na ṱhuṱhuwedzo yawe zwo dzhielwa nṱha nga mugudisi muhulwane wa Bafana Hugo Broos, we a mu nanga kha tshigwada tshawe tsha vhatambi vha 26 vhane vha ḓo ya kha Tshiphuga tsha Ḽifhasi.

Musi vha tshi humbula nga ha minwaha ya 15 vha Sundowns, Vho-Zwane vhari zwa zwino vha khou dzula vha tshi khou bvela phanda nga lutamo lwa u shela mulenzhe kha u isa phanda na mveledziso ya vhaswa vha Masandawana.

“U amba ngoho zwo vha zwi tshi mangadza, ndo guda zwinzhi vhukuma. Ndo ḓa kha kilabu ndi tshe mutukana muṱuku nahone zwo nthusa uri ndi vhe munna, sa khotsi hayani nahone ndi livhuwa vhukuma tshikhala tshe vha nṋea tshone,” Zwane kha The Pitchside Podcast.

• VHALANI ZWINWE : The Masked Singer South Africa i vhuya kha season III

“U amba ngoho ndi zwa ndeme vhukuma kha nṋe (u fhedza mushumo wanga kha Sundowns) ngauri malofha anga ndi a vha mivhala ya ṱada, ndi ḓo dzula ndi tshipiḓa tsha muṱa wa Masandawana, ndi lutamo lwanga u fhedza mushumo wanga fhano.