Kaizer Chiefs i na dzangalelo kha mutambi wa vhukati wa Pirates

Hu khou pfala uri thimu ya kaizer chiefs i na dzangalelo ḽa u renga mutambi wa vhukati wa orlando pirates Kabelo Dlamini.

Mutambi uyu wa minwaha ya 30 ha ngo tamba nga maanda nga fhasi ha Abdeslam Ouaddou nahone u khou lavhelelwa u ṱutshela tshigwada mafheloni a ṅwedzi musi thendelano yawe i tshi fhela.

Ino vhege, Soccer Laduma yo vhiga uri Chiefs i khou lavhelesa nyimele ya Dlamini kha Pirates.

Dlamini a nga ṱutshela Pirates a ya kha Chiefs?
Muthu wa nga ngomu o vhudza Soccer Laduma uri ṋaledzi ya Pirates yo ḓiimisela u lwela vhuimo hayo kha thimu kha khalanwaha i ḓaho.

“Kabelo u a ḓivha nga ha dzangalelo, nahone na muṱa wawe u a zwi ḓivha. Khotsi awe ndi mutikedzi muhulwane wa Chiefs.

“Fhedzi Kabelo u dzula o ḓikumedzela kha Pirates nahone u ṱhonifha tshigwada, ha khou kombetshedza tshithu, zwine a zwi ṱoḓa vhukuma ndi u tamba bola tshifhinga tshoṱhe.

“Season yo fhelaho yo vha i tshi khou mu dina nga nthani ha u huvhala na u shaya tshifhinga tsha mutambo. U do lindela tshikhala tshawe kha khalanwaha i daho, hoṱhe hune tshenetsho tshikhala tsha bva hone.”

•  VHALANI HAAFHU: The Masked Singer South Africa i vhuya kha season III

Vha Amakhosi vha kha di do divhadza vhatambi vhaswa vhane vha do sainwa nga murahu ha musi vho fhambana na Cedric Kaze na Khalil Ben Youssef.