Yvonne Chaka Chaka uri o mupfuma a na miṅwaha ya 21

Yvonne Chaka Chaka o vusa u takalelwa nga vhathu vhanzhi nga murahu ha musi o dzumbulula uri o hola rannda dzawe dza u thoma dza miḽioni a na miṅwaha ya 21 fhedzi.

Muimbi wa ḓivhazwakale o ita nzumbululo iyi kha podikhasithi ya zwenezwino, he a humbula nga ha ndeme ya u ḓifara zwavhuḓi kha zwa masheleni musi a tshi kha ḓi tou bva u thoma mushumo wawe.

Musi a tshi amba  nga ha lwendo lwawe, Yvonne o khoḓa tsheo dza vhuṱali na zwibuli zwa vhuṱali kha u bvelela hawe ha zwa masheleni ha u thoma.

“Ndi fanela u amba, nga 21 ndo vha ndi na milioni kha akhaunthu yanga, ndi livhuwa Phil Hollis, Vho vha vha tshi ri tambudza, fhedzi nga zwiṅwe zwifhinga vho vha vhe vhavhuḓi.”

” Ndo vha ndi tshifhaṱuwo tsha u thoma tsha mapfura a lukanda lwo lutswu.

“Ndo dovha nda ita khungedzelo ya Pepsi na Michael Jackson na Tina Turner,” o ralo, a tshi humbula nga u ḓikukumusa nga ha dzipulatifomo dza ḽifhasi dze a dzi swikelela mathomoni.

• VHALANI HAFHU:  Nyimele ya Mshefane yo kwama dzi mbilu dza vhathu Mzansi

 U ya nga mavhonele awe uri zwe ene na mufu Brenda Fassie vha zwi swikelela zwi fhira, zwithu zwinzhi zwa musalauno.