Nyimele ya Mshefane yo kwama dzi mbilu dza vhathu Mzansi

 Vhanzhi vhane vha dzhena kha Big Brother Mzansi vha na fulufhelo ḽa u takusa mishumo yavho kha nḓowetshumo ya u ḓimvumvusa.

Kha Nkululeko ‘Mshefane’ Masiye naho zwo ralo, zwo vha zwo fhambana nyana.

U wina Big Brother Mzansi zwo vha zwi tshi ḓo shandula vhutshilo hawe hayani vhukuma.

Mutambi wa reality show o bvisiwa nga Swondaha yo fhiraho nahone o vhuya hayani.

Musi a tshi swika, Mshefane o ṱanganedzwa nga muṱa wawe wa lufuno, khonani khathihi na vhahura.

O amba mafhungo a kwamaho mbilu a tshi ṱuṱuwedza vhaswa vha vhuponi hawe uri na vhone vha ye kha Big Brother.

O dzhena nḓuni ya Biggie e na zwienda zwithihi fhedzi,  vhatikedzi vha  muṋea zwienda zwiṅwe.

Naho zwo vha zwi tshi konḓa, Mshefane o lingedza nga nungo dzoṱhe u tamba mutambo. O vha a tshi khou ṱaṱisana vhukuma, a vha wa vhuvhili kha mitambo ya u thoma ya Head of House.

Zwi ṱungufhadzaho ndi uri nnḓa ha BBM vhutshilo ha Mshefane ho vha vhu songo leluwa nga u ralo.

O vhudza muṅwe we a vha a tshi dzula nae Don, nga ha vhuimo hawe. Mshefane o vhudza Don uri u khou vhilaela nga ha mutakalo wa ṅwana wawe na mme awe musi e siho.

• VHALANI HAFHU: Shebeshxt o dovha a ḓi wana a khakhathini musi e dzhele

Hafhu hu na zwifanyiso na dzi video kha zwileludzi zwa vhudavhidzani zwine zwa sumbedza uri vhutshilo vhu konḓa hani kha Mshefane na muṱa wawe.

Hezwi zwo ita uri vhashumisi vha social media vha ṱoḓe u mu thusa.