Vhuḓimvumvusi ha tshifhinga tsha u khauwa ha muḓagasi

U khauwa ha muḓagasi zwi nga ḓisa khakhathi kha vhathu, fhedzi zwi nga dovha zwa ḓisa tshifhinga tshavhuḓi tsha u vhumba vhushaka na muṱa.

Musi hu si na muḓagasi, vhathu vha nga tamba mitambo ya kale nahone vha ḓisa u ḓiphina na u sea mahayani avho.

I tevhelaho ndi mitambo ine na fanela u i takalela musi muḓagasi u siho:-

Mitambo ya bodo

Mitambo ine ya nga Monopoly, Scrabble, Snakes na Ladders i ita uri muṱa u dzule wo ṱangana, nahone ndi miṅwe ya mitambo ine ya takadza vhukuma.

Mutambo wa seconds dza 30

Mutambo uyu u ṱavhanya nahone wo tea zwigwada, vhatambi vha ṱalusa maipfi vha sa ṋei phindulo yo teaho fhedzi vha lingedza u fhira vhaṅwe vhatambi nga vhuṱali.

 Ndi nḓila i takadzaho ya u linga nḓivho na vhukoni haṋu ha u sika.

A hu na zwishumiswa zwine zwa ṱoḓea , ndi muhumbulo fhedzi! U vhumba maipfi kana mafhungo ngeno vhaṅwe vha tshi khou humbula.

Mutambo uyu u ḓisa zwiseo na u ita uri muṅwe na muṅwe a ḓipfe e khwine.

U dzumbama

Hoyu ndi mutambo wa vhana nahone ndi mutambo une wa kha ḓi takalelwa na ṋamusi .

I tambiwa naho hu na mavhone na mavhone o fungaho, kha hoyu mutambo vhana vha ḓo dzumbama ha khethiwa muthu muthihi ane a ḓo vha ṱoḓa a vha wana hune vha dzumbama hone, nga heyi nḓila vhabebi vha ḓo takadzwa na u sea.

U anetshela zwiṱori .

U sika khaedu ya u anetshela zwiṱori zwa muṱa, Muthu muṅwe na muṅwe u engedza fhungo u itela u sika tshiṱori tsho khetheaho, I khaedu u sika vhudziki na u khwaṱhisa vhushaka.

• Vhalani hafhu:Thavha ya Luvhola

U dzima ha muḓagasi a zwi tei u vha zwithu zwivhi, nga mitambo iyi, muṱa u nga dimvumvusa khakhathi na u vha na tshifhinga tshavhuḓi.