Ri pembelela vhukoni ha muzika wa Limpopo
Uncategorised

Ri pembelela vhukoni ha muzika wa Limpopo

Mudzudzanyi wa pfufho na muthomi wa LIMPRO Vho Justice Mbedzi vha khou ita khuwelelo kha vhaimbi vhothe uri vha rumele nyimbo dzavho sa izwi duvha la u guma li tshi khou sendela. 

 Vhaimbi vha Limpopo vha kha di vha na tshikhala tsha u dzhena kha pfufho dza u thoma dza LIMPRO Music Awards, hune u rumela zwidodombedzwa zwi kha di vha hone u swika mafheloni a nwedzi wa shundunthule.

Pfufho idzi, dzo dzudzanywaho nga Dzangano ḽa Pfanelo dza Vhaimbi vha Muzika wa Limpopo (LIMPRO), dzi na ndivho ya u pembelela na u dzhiela nṱha vhaimbi vhane vha khou ḓa na vho no ḓi ḓivheaho u bva kha vundu ḽoṱhe.

Mudzudzanyi wa LIMPRO Vho Justice Mbedzi vho khwaṱhisedza uri vhuṱambo vhuhulwane ha u ṋetshedzwa ha pfufho vhu ḓo vha hone nga ḽa 1 August ngei Christ Worship House Shayandima.

“Pfufho dzo vulea kha vhaimbi vhoṱhe vho bebwaho Limpopo, hu tshi katelwa na vhane zwa zwino vha dzula kha maṅwe mavunḓu.

“Vhukando ho sikwa u itela u tandulula u sa dzhielwa nṱha hune kanzhi ha tshenzhelwa nga vhaimbi vha Limpopo kha pulatifomo dza pfufho dza muzika wa tshiofisi dzine dza farelwa nnḓa ha vunḓu,” ho amba Vho ​​Mbedzi.

Vho engedza nga uri vhaimbi vhanzhi vha re na vhukoni vha Limpopo vho lwisa lwa  miṅwaha minzhi u itela u wana ṱhonifho kha pfufho khulwane dza muzika dzine dza farelwa huṅwe fhethu shangoni.

Vhakhethiwa kha tshaka dzo fhambanaho na khethekanyo vha khou lavhelelwa u ḓivhadzwa nga ḽa 15 Fulwi, nga murahu ha zwenezwo mafulo a u voutha ha tshitshavha na dzi-roadshow zwi ḓo thoma phanḓa ha vhuṱambo vhuhulwane nga Ṱhangule.

Nga nnḓa ha u pembelela vhukoni ha muzika, vhadzudzanyi vha tenda uri tshiitea itshi tshi ḓo dovha tsha shela mulenzhe nga nḓila yavhuḓi kha ikonomi yapo nga u sika zwikhala zwa mishumo ya tshifhinganyana na u kunga vhaeni kha vhupo honoho.

U wana mafhungo o engedzeaho, CEO wa LIMPRO Vho Justice Mbedzi vha nga kwamiwa kha 064 988 4122 kana nga Email kha runganijustice@gmail.com kana kha limpromusicians@proton.com.