Cheeseboy u ṱoḓa chiefs i tshi vhuisa Arthur zwane

Mutambi wa kale wa Orlando Pirates Vho-Lebohang “Cheeseboy” Mokoena vho tikedza muhumbulo wa u pfumedzana vhukati ha Arthur Zwane na Kaizer Chiefs.

Sa vhunga Amakhosi i tshi khou lavhelelwa u shandula vhagudisi vhayo mafheloni a khalanwaha, hu khou sedzwa vhathu vha ngaho Pitso Mosimane na Benni McCarthy.

Fhedzi Mokoena u tenda uri phindulo i nga vha tsini na hayani. Nahone zwi nga vha muthu ane a divha Chiefs zwavhudi.

Arthur Zwane zwa zwino u khou ita mushumo muhulwane kha AmaZulu FC hune o ḓiitela dzina nga murahu ha vhuleme he a ṱangana naho kha Naturena.

Nga fhasi ha vhurangaphanḓa hawe, Usuthu i khou ṱoḓa u fhedza kha zwigwada zwiraru zwa nṱha kha ḽogo ya Betway Premiership.

“Ndi vhona unga mugudisi Arthur o ḓi sumbedza kha AmaZulu nga zwishumiswa zwiṱuku,” o ralo.

Arthur Zwane a si muṅwe mugudisi fhedzi — u bva kha tshigwada.

U bva maḓuvhani awe a u tamba u swika a tshi gudisa kha academy ya vhaswa ya kilabu, Zwane u a ḓivha zwithu zwa nga ngomu na zwa nnḓa zwa Chiefs.

Nahone Mokoena u tenda uri Chiefs i nga vha yo mu litsha nga u ṱavhanya nga tshifhinga tsha u thoma tsha Zwane.

• VHALANI HAFHU : Mvelele dza mutambo a dzi ngo takadza mugudisi wa Stellies

Zwino ngauri o no vha muhulwane, e na tshenzhemo, nahone mvelelo dzi khou sumbedza, Arthur Zwane a nga vha o ḓiimisela u shuma lwa vhuvhili.