Thavha ya Luvhola

Thavha ya Luvhola yo wana dzina ḽayo kha ṱhodzi yayo ine ya vha na tshivhumbeo tsha ṱhodzi ya ṋotshi.

 Luvhondo lwa ṋotshi lu ḓivhiwa sa luvholela nga Tshivenḓa. Kha ipfi luvho(le)la ho bva dzina ḽa Luvhola.

Luvhola na Luonde ndi mavu a lushaka lwa Mukwevho.

Vhakwevho ndi tshigwada tshiṱuku tsha Vhatavhatsindi nahone ndi vhaṅwe vha vhadzulapo vha u thoma vha Venḓa.

Vhakwevho vha ḓi vhidza Nguluvhe .

Vhakwevho vha Luonde vha ḓivhiwa sa Nguluvhe Khulu , ngeno vha Luvhola vha tshi vhidzwa sa Zwigwamtada .

Afha ndi he murero une wa ri ‘Nguluvhe khulu dzi Luonde, Zwigwamtada zwi Luvhola’ wa bva hone.

Vhakwevho na vhone vha ri ‘Thavha khulu dzi a rendana. Luvhola yo renda Luonde.

Hu pfi nga ṅwaha wa 1977vhaṅwe vhathu vha bvaho muḓini wa Chabani vho dalela bakoni ḽa vha  Mukwevho thavhani ya Luvhola zwi siho mulayoni.

Vhathu avha hu pfi vho vha vha sa thonifhi tshifheṱo vha thithisa dziṅwekhali khethwa dza vumba, mapfumo na zwiṅwe zwithu zwe /zwa vha zwi sa faneli u thithisiwa.

 Vhaṅwe vhahulwane vha Vhakwevho vho vha tsivhudza uri vha ḓo tambula nga mbiti dza vhomakhulukuku.

Vhusiku honoho ha na mvula khulu thavhani ya Luvhola.

 Matombo mahulwane o wa a tshi bva Thavhani ya Luvhola a ḓi ṱomola nga luvhilo luhulu nahone a tshinyadza mahaya muḓini wa Chabani milenzheni ya Thavha ya Luvhola.

Matombo a lemelaho o vha a tshi khou fhelekedzwa nga matope na maḓi ane a khou bva thavhani.

Vhathu vhanzhi na zwifuwo zwo fhela. Vhaṅwe vhathu vho faho na zwipuka zwo wanala kule vhukuma u swika mulamboni wa Tavha.

 Tshivhalo tsha mpfu dza u fhedzisela a tshi ḓivhei, fhedzi khombo yo vhonwa nga vhadzulapo sa khombo ya ḓana ḽa miṅwaha.

 Khombo yo ita uri munwe mubvumeli/mutsila wa muvenda a simbe na u rekhoda luimbo lu re na maipfi a tevhelaho:

• Vhalani hafhu:Luambo lune lwa shumiswa nga Vhavenda

“Nga nwaha wa 77 Thavha ya Luvhola yo fhedza vhathu. Ha-ChabaniLuvhola yo fhedza vhathu”.