Vhatikedzi vha Pirates hupfi kha vha dzhule vho lugela u pembela

Kha ino khandiso ya Foramu ya Vhatikedzi, i tela khuwelelo kha  vhane vha ana nga Skull na Crossbones, kha ḓivhazwakale yo vhetshelwaho u itwa kha mutambo wa u fhedzisela wa Orlando Pirates wa khalanwaha.

“Ndi khou humbela miṱa yoṱhe, nga maanḓa Soweto, uri vha thome u renga champagne, zwo gotsha ṋama, uri musi mutambo u tshi fhela, zwoṱhe zwi vhe zwo dzudzanyelwa u pembelela,” hu ḓivhadza Jwara-Bucs.

Vhuṱambo vhuhulwanesa ha Bucs nga murahu ha miṅwaha

Mutambi wa Buccaneers ane a vha na lufuno u khou humbela vhatikedzi ngae vhothe uri vha thome u lugisela zwine a amba uri zwi do vha vhuṱambo vhuhulwanesa kha miṅwaha ya zwenezwino nga Mugivhela.

Vha Soweto vha khou toda phoindi tharu fhedzi uri vha kone u vha ngweṋa dza Betway Premiership dza ino khalanwaha, nahone vha do tangana na Durban City FC Orlando Amstel Arena mafheloni a vhege.

“Kha vha ntendele ndi livhuwe Richards Bay FC, Stellenbosch FC, Kaizer Chiefs, na  TS Galaxy kha u khwathisedza Pirates sa vhahali vha ligi ya ino khalanwaha nga Lavhuvhili.

Ndi livhuwa vhatikedzi vha Pirates kha u dadza zwitediamu khalanwaha yothe, hayani na nnḓa.”

Mutikedzi a fhiseaho o ambs a ri: “Iḓani nga Mugivhela.”

“Ri livhuwa mugudisi washu, ‘Mude-Mude’ [the Tall One] kha u tshinyadza zwe zwa vha zwi tshi khou ṱoḓa u vha rekhodo mmbi vhukuma nga Mamelodi Sundowns.

U wina ligi lwa sumbe u ya kha lwa malo nga u tou tevhekana zwo ita uri vha ḓifare sa vhane vha ligi.”

• VHALANI HAFHU : Santos kha Sundowns: Zwa ndeme ndi uri ri kha vhuimo ho thoma

Vho-Jwara-Bucs vhari arali Pirates ya nga wina ligi, hezwi zwi do sumbedza munwe na munwe uri Betway Premiership ndi ligi ine ya vha na muṱaṱisano.