Santos kha Sundowns: ‘Zwa ndeme ndi uri ri kha vhuimo ho thoma’
Mutambi wa vhukati wa Mamelodi Sundowns Nuno Santos o amba nga ha nyimele, na pulane dzavho musi vha tshi khou ya kha ligi ya dzingweṋa dza CAF.
Sundowns yo kundwa kha mutambo wayo wa u fhedzisela wa Betway Premiership na TS Galaxy stadium tsha Mbombela.
Mvelelo idzi dzo vha ḓisa kha luvhilo lwe vha vha vha tshi fanela u lu vhea u itela u engedza kha poindi dzavho. Zwino vha khomboni ya u xelelwa nga tshiphuga.
Sa zwine zwa vha zwone, Pirates yo sala na mitambo mivhili, ngeno i tshi kha di tou vha na phoindi tharu fhedzi uri i kone u lingana na Sundowns.
Arali Pirates ya wina munwe wa mitambo mivhili, Sundowns i do vha khovhe yo bvaho madini.
Nuno Santos o ralo musi a tshi vhudziswa nga ha tshiimo tsha thimu na pulane dzayo. A fhindula a ri:
“Ndi rine we ra dzula nṱha ha ṱafula heyi zwa zwino, ndi zwone zwine zwa vha zwa ndeme,” Nuno Santos o ralo.
“Sa zwe nda amba, uri ri nga si kone u shandula zwe zwa itea zwi fana na zwe zwa sikwa, zwino zwine zwa vha zwa ndeme ndi u sedza kha CAF Champions League.
“Ndi tshone tshithu tsha ndeme tshine ra nga tshi ita u shandukisa zwa kale. Ri khou toda u wina khaphu iyi ya CAF Champions League.”
“Thimu i khou ṱoḓa u wina tshiphuga, ri khou ṱoḓa u wina vhatikedzi vhashu, vhane vha ri tikedza ḓuvha ḽiṅwe na ḽiṅwe, ri vha shumela.”