Ronwen Williams o khoḓa thimu nga murahu ha musi vho ita ḓivhazwakale
Mukapuṱeni wa Bafana Bafana Vho-Ronwen Williams a vho ngo kona u dzumba dakalo ḽavho nga murahu ha musi vho ita ḓivhazwakale.
Mulindavhuno wa thimu ya Mamelodi Sundowns o vha a sina na maipfi nga murahu ha musi Bafana yo kunda South Korea nga 1-0 nga madautsha a Ḽavhuṋa.
Mvelelo yo ita uri vha wane vhuimo kha Round of 32 hune vha do tangana na Canada nga Swondaha.
Vho-Ronwen Williams vhari gundo ili lo vha li tshi khou takadza nga maanda ngauri lo da nga tshifhinga tshe vhanzhi vha vha vho laṱa fulufhelo na u xelelwa nga fulufhelo kha vhone vhaṋe.
“Zwi a mangadza. A thi tsha kona u amba. A thi ḓivhi uri ndi ambe mini,” Williams o ralo.
“A thi vhoni u nga hu na ipfi ḽa khwine ḽine ḽa nga zwi ṱalusa u fhira u ḓikukumusa.
“Ndi a ḓihudza. Ndo takala zwi sa tendisei nga nṱhani ha zwoṱhe zwe ra ṱangana nazwo.
“U timatima ha vhathu, vhasasaladzi na mutsiko we ra vha ri fhasi hawo.”
Mulindavhuno wa minwaha ya 34 uri ndila ye Bafana ya tsireledza ngayo i sumbedza u diimisela na u khwatha ha thimu.
“U tamba kha level iyi a zwo ngo leluwa. U sa tendela tshikoro kha thimu yo khwathaho nga u rali”
Ronwen Williams na ene o khoḓa vhumatshelo ha bola ya milenzhe ya Afrika Tshipembe, a ri vhatambi vhaṱuku vha re kha heyi thimu vha ḓo ita zwimangadzo kha miṅwaha i ḓaho.