Musa Mseleku u divhadza uri season 5 ya Mnakwethu yo ri farela zwifhio
Mzansi magic yo divhadza u vhuya ha Mnakwethu.
Khalanwaha ya vhutanu ya mbekanyamushumo ya thelevishini i do bva kha Velabahlinze nga dzi 7 Fulwana 2026 nga awara ya vhumalo nga madekwana.
Musa Mseleku, we a vha a tshi khou fara dzi season dzo fhiraho, u khou vhuyelela kha mbekenyamushumo, u thusa vho khotsi vho malaho u divhadza vhafumakadzi vhavho nga ha lutamo lwavho lwa u vha na vhafumakadzi vhanzhi.
Mseleku u do vha hone u tikedza vho mme na vho khotsi vho malaho nahone munwe wa mishumo yawe ndi u divhadza mufumakadzi wa vhuvhili kha mufumakadzi wa u thoma.
Mseleku o vhudza Mzansi Magic phanḓa ha musi mbekanyamushumo i tshi vhuya uri vhaṱaleli vha nga lavhelela u shandukiswa hu takadzaho.
U fhambana na dzi season dzo fhiraho, Season 5 i sumbedza lunako lwa mvelele dzo fhambanaho dza Afrika Tshipembe.
“Ino khalanwaha yo khethea ngauri hu sumbedzwa mvelele dzo fhambanaho musi zwi tshi ḓa kha u vhinga vhafumakadzi vhanzhi.
“Vhaṱaleli vha ḓo kona u vhona uri zwitshavha zwo fhambanaho zwi sedzana hani na vhushaka ho raloho na khaedu dzine dza ḓa nazwo.”
Vho-Mseleku vho dovha vha amba uri mbekanyamushumo iyi i a takalelwa ngauri vhathu vhanzhi i nga vha thusa.