U ṱola ngano dzi ofhisaho u bva Afrika Tshipembe
U ṱola ngano dzi ofhisaho u bva Afrika Tshipembe
Afrika Tshipembe ndi haya ha zwiṱori zwa ngano na thai, zwiṅwe zwazwo zwi nga vha zwi tshi khou tshuwisa nga nḓila i sa tendisei. Kha vha sedze…
1. Flying Dutchman
Cape of Good Hope ndi haya ha zwigidi zwa zwikepe zwo nuvhelaho. Ndi hone hune ha dovha ha vha na tshikepe tshine tsha ḓivhea tsha zwipoko: Flying Dutchman.
Ngano dzi amba uri Mukapuṱeni Hendrick van der Decken na tshigwada tshawe vho bva Netherlands nga tshikepe tshine tsha khou fhufha tsha Dutchman nga miṅwani y vho 1700.
Van der Decken o ana nga maanḓa uri u ḓo mona-mona Cape of Good Hope, hu sa londwi maḓumbu.
Alas, nḓivhadzo yawe yo ita uri ene, vhashumi vhawe na tshikepe vha khesiwe. Nga mulandu wa zwenezwo, Flying Dutchman i tshimbila maḓini a ḓumbu a Cape lwa tshoṱhe, i sa vhuyi ya swika vhuimazwikepe.
Ngano i amba uri zwinwe zwikepe zwine zwa tangana na Flying Dutchman kha ḽa Cape na u khoḓiwa ngae zwi ḓo ṱangana na tshinyalelo ya maḓi.
U swika na ṋamusi, zwigidi zwa vhatshimbidzi vha zwikepe vho vhiga uri vho vhona tshikepe tsha phantom vessel– mashudu mavhuya, vho ponyoka uri vha kone u anetshela ngano!
2. GA-GORIBI
Kha ngano dza San, Ga-Gorib ndi tshipuka tshihulwane tshine tsha vha na lukanda lwo khwaṱhaho lune lwa pandela matombo.
Yo vha i tshi ḓo lala mupendeloni wa dindi ḽo dzikaho, i tshi ita uri vhafhiri vha i pose nga matombo.
Matombo o vha a tshi ḓo rwa kha lukanda lwayo, a rwa vhane vha khou fhira nahone a ita uri vha wele dindini.
Mashudu mavhuya, munna ane a pfi Heitsi-eibib o vha o ṱalifha lwe a posa tombo kha Ga-Gorib musi muṱana waḽo wo rembuluwa, a ḽi rwa nḓevheni.
Dziṅwe ṱhalutshedzelo dza mafhungo dzi fhela nga Ga-Gorib i tshi wela kha lufu lwayo dindini.
Dziṅwe ṱhalutshedzelo dzi na Ga-Gorib na Heitsi-eibib vhoṱhe vha tshi wela mulindini nga murahu ha u lwa lwa tshifhinganyana.
Hu sa londwi uri ni pfa mafhungo afhio, Heitsi-eibib u dzula a tshi ponyoka vhuleme.
NGUDZO DZINE RA NGA DZUDA KHA NGANO .
Naho vhunzhi ha dzenedzi ngano dzi tshi nga sia ri tshi fhisa lwa tshifhinga tshilapfu maramboni ashu, dzi kha ḓi ri takadza vhukuma u itela u pfumisa mihumbulo yashu ngeno dzi tshi dovha dza ri funza nḓila ya u tshimbila shangoni ḽine ra khou tshila khaḽo.
- VHALANI HAFHU: Khaedu dza u toda mushumo Afrika Tshipembe
Zwiṅwe hafhu, ndi tshishumiswa tshine tsha shuma tsha u ri thusa u pfesesa mvelele dzo fhambanaho dza Afrika Tshipembe dze dza dzi bveledza na u vhulunga mvelele dzadzo dzi tshi khou tshila.
Translated by Nthaduleni Rolivhuwa