Isitha: The Enemy i onesana na Malume Bulelani

Ndi zwithu zwo ḓoweleaho uri musi mbekanyamushumo i tshi fhela,vhabvumbedzwa vhanzhi vha a vhulahwa.

Hezwi ndi zwone zwine ra zwi vhona kha mutevhe wa dzi drama ya e.tv ine ya  vha ḓivhea, Isitha: The Enemy .

Vhege dzi si gathi dzo fhiraho fhedzi, muṅwe wa vhabvumbedzwa Nyiko, o vhulahwa nga Rebecca.

Lufu lwo ḓa nga murahu ha musi o farwa kha mafhungo o tangaho mushumo wa zama zama.

Nyiko o mbo ḓi vha vhuḓifhinduleli kha vhe vha ḓiimisela u ita uri mushumo u dzumbame. Zwino muṅwe mubvumbedzwa, Bulelani o vhulahwa, zwa ḓisa vhuṱungu kha vhataleli vah  Isitha: The Enemy.

Lufu lwa Bulelani

Muṱa wa ha Sokhulu zwa zwino wo sedzana na awara yawo ya swiswi musi Gudluza a tshi khou zwima Chuma na Solomzi, vhane vha khou shavha.

O ḓiimisela u ita uri vha ha Sokhulu vha badele, Gudluza o kuvhanganya Amabutho uri a thube mabindu a muṱa. Hu si kale mbiti dzo swika kha tshiimo tshi ofhisaho musi tshitshavha tshi tshi shandukela vha Sokhulu nahone haya havho ha fhiswa.

Musi khavhu dzi tshi khou duga nḓuni, ho vha na nyofho. Musi vhaṅwe miraḓo ya tshitshavha vha tshi khou lingedza u dzima mulilo, vha muṱa wa ha Sokhulu vho lingedza nga nungo dzoṱhe u shavha.

Fhedzi Bulelani ori u vhona uri Nomsa o fashwa nga ngomu, a gidima a humela nḓuni ye ya vha i tshi khou duga uri a tshidze mme awe.

Nomsa o kona u shavha, fhedzi Bulelani a sala murahu. O ḓalelwa nga u vhona haya ha mme awe hu tshi khou uswa, o mbo ḓi fashwa musi mulilo u tshi khou ṋaṋa.

• VHALANI ZWINWE : Mzansi i humbula Lebo Mathosa minwaha ya 20 nga murahu ha lufu lwawe 

Nga nḓila i vhaisaho mbilu, Bulelani o lovhela muliloni, a sia muṱa wawe na tshitshavha vho ṱungufhala.