Tyla u amba nga ha u imba luimbo lwa lushaka kha World Cup
Tyla u dihudzanga tshikhalashe a newa tsha u imba Luimbo lwa Lushaka lwa Afrika Tshipembe kha Mutambo wa u Vula wa Tshiphuga tsha Ḽifhasi tsha FIFA.
Nga Ḽavhuṋa, Tyla o ḓihudza na shango musi a tshi imba Luimbo lwa Lushaka phanḓa ha musi mutambo u tshi thoma.
Mzansi Youth Choir yo ḓiphina nga tshifhinga tshenetsho nae musi vha tshi ṋetshedza maipfi a re na maanḓa a u tikedza.
Miminithi i si gathi musi Bafana Bafana i sa athu thoma mutambo wayo wa Tshiphuga tsha Ḽifhasi tsha FIFA tsha 2026 na Mexico, Tyla o kona u sumbedza ḽifhasi zwe a duma ngazwo.
Muimbi we a wina Pfufho ya Grammy lwa vhuvhili khathihi na Mzansi Youth Choir vho imba luimbo lwa lushaka lwa Afrika Tshipembe nga tshifhinga tsha vhuṱambo ha u vula ha thonamennde.
Naho Afrika Tshipembe ḽo kundwa nga mutambo nga 2-0, hetshi tsho vha tshifhinga tsha u ḓihudza nga u rali kha Tyla na Khwairi ya Vhaswa ya Mzansi.
Kha sia ḽawe Tyla o kovha uri u zwi dzhia sa phaṱhutshedzo u imba luimbo lwa lushaka kha mushumo muhulwane nga u rali.
Zwo vha zwo khethea vhukuma uri o zwi ita na Mzansi Youth Choir . Vho dovha vha ṱuṱuwedza Bafana Bafana uri vha vhe na fulufhelo, sa izwi hu tshi kha ḓi vha na miṅwe mitambo mivhili ine ya ḓo tambiwa.