Maseko u amba nga ha nyimele yawe kha Sundowns
Mutambi wa vhukati wa Mamelodi Sundowns Thapelo Maseko o sia vhatikedzi vhawe vha tshi khou vhilaela nga murahu ha musi o posa mulaedza u kwamaho mbilu kha zwilwludzi zwa vhudavhidzani sa izwi vhumatshelo hawe vhu sa athu vha khagala.
Hu khou pfala uri Sundowns i khou ṱoḓa u mu rengisa, fhedzi i khou ṱoḓa uri a dzhene kha thimu i re nnḓa ha Afrika Tshipembe sa izwi i sa khou ṱoḓa u khwaṱhisa vhapikisi vhayo kha Betway Premiership.
Nga murahu ha musi mivhigo yo no phaḓalala, Maseko o ṅwala kha Instagram a ri: “Khamusi ndi u gembula.”
Muṅwe muthu o amba uri mulaedza uyu wo vha u tshi khou amba nga ha muvhigo wa uri Sundowns i khou ṱoḓa uri a tambe nnḓa ha shango, zwine hu pfi ha zwi ṱoḓi.
Nga murahu mutambi o ṅwala muṅwe mulaedza mulapfu a tshi dzumbulula uri ha khou ḓipfa zwavhuḓi muhumbulonini.
O amba uri u khou isa phanḓa na u ḓiḓowedza nga maanḓa fhedzi nga ngomu u pfa a si na tshithu, nahone lufuno lwawe na lufuno lwawe lwa bola ya milenzhe zwi khou fhela.
Vho-Thapelo Maseko vhari fulufhelo zwino li vhonala li kule, nahone a vha divhi uri vha do vhuya vha di pfa nga ndila ye vha vha vha tshi di pfa ngayo naa.
Vho-Thapelo Maseko vhari naho vho isa phanda na u shuma nga maanda, vha pfa unga ahuna muthu ane a vha vhona, na fulufhelo lavho na lufuno lwavho kha bola ya milenzhe zwi khou fhungudzea nga zwituku nga zwituku.