MaCele u imelela “Jonasi” wa kha The Polygamist
MaCele o bvisela khagala mavhonele awe a tshi khou imelela “Jonasi” wa mbekanyamushumo ya The Polygamist sa mufumakadzi wa u thoma kha mbinganoni ya vhafumakadzi vhanzhi.
Musi MaCele a tshi khou bika, mufumakadzi wa vhuṱanu wa Musa Mseleku, MaKhwela, o dzhena kha Instagram Live, he a vhudziswa nga ha muhumbulo wawe nga ha mbekanyamushumo.
Ri sa ambi zwinzhi, Briefly News i vhiga uri Vho-MaKhwela vho thoma u vhudzisa Vho-MaCele.
MaCele o mbo di dzhena kha tshigwada kha khanedzano i fhisaho musi a tshi amba uri Jonasi u khou toda mulalo kha ene mune fhedzi.
O dovha a imelela zwiito zwawe musi a tshi amba uri vha mufuda wawe ndi vhone vho itaho uri a ye nnḓa.
“Mbekanyamushumo hei i funza vhafumakadzi na vhanna.Hu na zwine Jonasi a dzulela u zwi ita zwine nda tama vhathu vha tshitshavha nga maanḓa vhaaluwa vha tshi zwi ḓivha.
Ovha a sa funi khani na luambo; u funa mulalo.
Zwe Jonasi a ita, rothe ro zwi vhona, ndi uri arali wa takusa ipfi lawe khae, u do takuwa a ṱuwa.
Hezwi zwi amba uri u fanela u ita uri hayani hau hu dudele, nahone zwoṱhe zwi tshimbile zwavhuḓi.
Naho ni tshi khou pikisana, itani vhungoho ha uri ni zwi ita nga nḓila yo teaho,” MaCele o ralo u ya nga Briefly News.
O dovha a vhudza vhafumakadzi uri vha litshe u ḓiita u nga a vha ḓivhi vhanna vhavho.
“Hai ‘Babakhe’ na ene u a funa vhafumakadzi, nahone ndi a zwi ḓivha hezwo. Ndi ngani a tshi tea u shanduka nga ṅwambo wa uri o mmala?” a vhudzisa.