MaYeni ha ngo takala nga ha uri Mseleku u vhidzwa “Jonasi”

Nokukhanya “MaYeni” Mseleku ha ngo takala nga ha uri munna wawe u khou vhidzwa Jonasi Gomora.

MaYeni o ita TikTok Live a amba nga ha mihumbulo ya vhathu vha milomo milapfu.

Kha TikTok Live, Vho-MaYeni vhane vha vha mufumakadzi wa vhuvhili wa Vho-Musa Mseleku, vho vhudza vhathu uri Vho-Mseleku a si Jonasi Gomora.

Vho dovha vha amba uri vhathu vha fanela u ṱhogomela zwine vha amba kha  zwileludzi zwa vhudavhidzani.

“Ndi khou ni humbela uri ni songo vhambedza mukalaha wanga na Jonasi, khamusi ni khou zwi vhona kha inwi muṋe. nne ndo dzula fhano nḓuni ya Mseleku.

 Vhathu kha zwileludzi zwa vhudavhidzani vho fanyisa MaYeni na mushumo wa Essie kha ḽitambwa ḽa The Polygamist.

Kha ḽitambwa, Essie ndi ene mufunwa wa u thoma wa Jonasi, we a mu thusa kha pfunzo dzawe dza yunivesithi. Fhedzi vho mbo ḓi fhandekana nga ṅwambo wa mafhungo a muṱa.

O amba uri musi a tshi vhuyelelana nae, vho mbo ḓi dzudzanya zwithu vha bvela phanḓa. MaYeni na ene o vha a tshi fanela u vha mufumakadzi wa u thoma wa Mseleku, fhedzi o tenda uri ho vha na khaedu nnzhi nḓilani.

• VHALANI HAFHU:    MaCele u imelela “Jonasi” wa kha The Polygamist

Kha Uthando Nes’thembu Season 9, Mseleku o bvukulula uri MaYeni o vha a tshi khou tea u vha mufumakadzi wawe wa u thoma fhedzi khotsi a MaYeni vho hana tshelede ya mamalo.