Mbatha o amba nga tshiitisi tsha u pandelwa kha Ukhozi FM

Muhashi wa kale wa mbekanyamushumo ya nga matsheloni ya Ukhozi FM Vho-Sipho ‘DJ Sgqemeza’ Mbatha vho amba nga murahu ha u sa vusuludzwa ha thendelano yavho.

Mbatha o vha muhashi wa mbekanyamushumo yawe ya u fhedzisela nga matsheloni a Ḽavhuvhili, nahone u ḓo dzhielwa vhuimo ha Velani ‘Vee’ Mthembu.

Kha tshitatamennde tsho ṱanḓavhuwaho, Vho-Mbatha vho amba uri ho vha na tshikwekwe tsha nga ngomu tsha u vha bvisa.

“Hu na muthu kha zvhulanguli ane a ṱoḓa uri ndi bve nga nḓila iṅwe na iṅwe i ṱoḓeaho,” o ralo.

O ṱanganedza pfanelo ya tshiṱitshi ya u dzhia tsheo fhedzi a bvisela khagala mbilaelo nga ha nḓila ye a farwa ngayo.

“Ukhozi FM a yo ngo vusuludza thendelano yanga, ndi pfanelo yavho,” vha ralo.

“Naho zwo ralo, mbekanyamushumo na vhudavhidzani, zwo bveledza mbilaelo khulwane.”

Mbatha o dovha a vhudzisa zwilinganyo zwo shumiswaho. O ri: “Zwilinganyo zwo shumiswaho zwi a vhilaedzisa vhukuma.”

O bvukulula uri o ṋewa muṅwe mushumo, fhedzi a u hana ngauri o vhona u nga a wo ngo tea kha muhashi a re na tshenzhemo u fana nae.

“Nga murahu ha u ṱolisisa nga vhuronwane, ndo u hana nga ṅwambo wa tshivhumbeo tshayo, vhuhulwane hayo, na u sa dzika hayo.”

Vho dovha vha hanedza mafhungo a uri vha khou ya mushumini wa vhufunzi .

“Ndi tea u lugisa mafhungo ane a khou xedza… hezwi a si ngoho,” o ralo.

Naho vho vha vha tshi kha ḓi ṱhonifha tshiṱitshi, Vho-Mbatha vho amba nga ha mafhungo a vhulanguli.

• VHALANI HAFHU : Panama yo kunda Bafana Bafana Cape Town

“Vhuleme hanga ndi nga nḓila ye vhaṅwe vhathu vha re kha vhulanguli vha sedzana ngayo na fhungo iḽi.”