DJ Zinhle o divhadza phefumu ntswa fhasi ha burende ya Era

DJ wa Afrika Tshipembe na ramabindu DJ Zinhle o dzhena kha tshikhala tsha zwa lunako nga u rwela ṱari phefumu yawe ya u thoma vhukuma, a tshi ḓivhadza tshibveledzwa tshiswa fhasi ha brende yawe ya ERA.

Ṋaledzi yo dzhena kha zwileludzi zwa vhudavhidzani u bvisela khagala phefumu, i vhidzwaho “ZAZI,”  a tshi kovhelana tshinepe tsha boḓelo la hone ngeno i tshi khou sumbedza u takala nga ha tshipikwa.

“Vhangana. Ndo takala vhukuma u fhedzisela ndo kovhelana na vheinwi zwithu zwo khetheaho vhukuma.

“Ndi khou ḓivhadza ZAZI — munukhelelo washu wa ERA. ZAZI i fhira u sokou vha phefumu.

“Ndi vhuḓipfi. Ndi fulufhelo ḽeneḽo ḽo dzikaho musi ni tshi dzhena kamarani. a si munukhelelo fhedzi Hetshi ndi tshifhinganyana Hetshi ndi tshiga tshaṋu.”

U swaya u thoma hawe kha makete wa phefumu, u thomiwa ha mushumo zwi sumbedza ndima ntswa kha DJ Zinhle musi a tshi khou isa phanḓa na u fhaṱa brende yawe nga nnḓa ha muzika.

• VHALANI HAFHU: Vusi Nova u isa ḓuvha ḽa April Fools kha vhunwe vhuimo

Vhafuni na vhatevheli vho ṱavhanya u ḓadza tshipiḓa tshawe tsha u ṋea vhupfiwa nga dakalo, vha tshi mu fhululedza kha mushumo muswa na u pembelela u bviswa ha munukhelelo wawe muswa.