Thandeka Tshabalala ndi millionaire lwa tshiofisi
A nga vha a songo wina Big Brother Mzansi Season 6, fhedzi musi zwi tshi ḓa kha vhatikedzi vha tikedzaho, Thandeka Tshabalala o wina zwihulwane.
Vho vha vha tshi mu tikedza musi a tshe nḓuni, na nnḓa, vha ita uri dzina ḽawe ḽi bulwe vhukati ha vhatambi vha mitambo ya khwiṋe.
Nga u ṱavhanya nga murahu ha musi a songo wina pfufho ya tshelede ya R2 miḽioni, vha the Thalian vho mbo ḓi thoma akhaunthu ya GoFund Me.
Nga murahu ha awara dza 12 fhedzi account yo no thomiwa, yo vha i na R100K . Nga murahu ha minwedzi miraru, Thandeka o no kuvhanganya masheleni a fhiraho nyana miḽioni ya Randa, u bva kha GoFund Me fhedzi.
Tshipikwa tsha u thoma tsho vha tshi tsha u swikisa €55,000, fhedzi zwino vhaṋetshedzi vha 751 vho ṋetshedza €55,215, zwine zwa lingana na R1.03 miḽioni .
- VHALANI HAFHU: Hungani Ndlovu o wana gig ya u DJ mashangodavha
Heyi ndi ḓivhazwakale ine ya khou bveledzwa, musi Thandeka a tshi vha muwini wa u thoma wa Big Brother u vha na vhafuni vhane vha shela mulenzhe nga tshelede i fhiraho miḽioni kha GoFund Me.
The Thalian, vhe vha vha vhe na Thandeka kha zwoṱhe, vho pembelela nga thege dzi ngaho #MillionChellaXThalians,
Vha tshi khoḓa na u livhuwa munwe na munwe we a shela mulenzhe.