Tsheo ya Pirates malugana na vhanwe vhatambi yo lavhelelwa

Hu khou lavhelelwa tsheo khulwane kha Orlando Pirates ya uri vha ḓo vhulunga kana vha bvisa vhaṅwe vha vhatambi vhavho vhahulwane.

vhatambi vhavho vhanzhi hu tendiwa uri thendelano dzavho na tshigwada dzi tsini na u swika magumoni.  

Muṅwe wa vhenevho ndi mutambi wa vhukati wa vhukoni Kabelo Dlamini we a vha a tshi khou ambiwa uri u ḓo ṱuwa kha tshigwada itshi kha ino khalanwaha.

Mutambi uyu wa minwaha ya 29 o tamba mitambo ya tahe fhedzi kha Orlando Pirates kha mitatisano yothe kha ino khalanwaha.

Mivhigo i khou sumbedza uri mutambi wa vhukoni u kha di vha na vhulwadze, fhedzi naho a fhola musi khalanwaha i sa athu fhela, tshikhala tsha uri a kone u tamba ndi tshituku.

“Naho o huvhala, a nga ṱutshela Orlando Pirates mafheloni a khalanwaha,” ho ambiwa nga tshisima nga KickOff.

“Ndi a tenda uri o no amba nga ha mafhungo aya na mulanguli wawe.”

Dlamini o dzhoina Orlando Pirates u bva Bloemfontein Celtic nga 2018.

O no tamba mitambo i ṱoḓaho u vha 200 kha tshigwada tsha Soweto giants.

Kha minwaha yawe ya 8 kha kilabu, o no kora zwikoro zwa 21 na u thusa vhatambi vha 23.

Thendelano ya mutambi wa vhukati i fhela nga nwedzi wa Fulwi nahone zwino o vhofholowa u saina thendelano ya mahala na inwe club.

Kiḽaba ine ya khou ranga phanḓa ine ya ḓo ṱanganedza Dlamini ndi vhapikisi vhahulwane vha Orlando Pirates, Kaizer Chiefs.

• VHALANI HAFHU: DR Congo i dzhena kha thimu dza Tshiphuga tsha Ḽifhasi

Amakhosi vho sumbedza dzangalelo kha vhatambi vho bviswaho nga vhapikisi vhavho.