Mafikizolo vho bviswa kha mutevhe wa Khontsathi ya ngei Zimbabwe

Vhaimbi vhavhili vha muzika wa Afrika Tshipembe Mafikizolo vho bviswa kha mutevhe wa vhaimbi vhane vha ḓo ya kha Khontsathi ya Buddie Beats ine ya khou ḓa ngei Victoria Falls, Zimbabwe.

Zwi tshi tevhela u haniwa nga tshitshavha ho phaḓalalaho zwi tshi elana na mbilaelo dza u ṱhaselwa ha vhabvannda Afrika Tshipembe.

 Zwo thoma nga murahu ha musi vha Econet Zimbabwe vho ḓivhadza uri vhavhili avha ndi tshipiḓa tsha mushumo uyu, zwe zwa ita uri maḓana a vhathu vha Zimbabwe vha bvisele khagala u hanedza havho kha zwileludi zwa vhudavhidzani.

Vhanzhi vho amba uri u ramba muthu wa Afrika Tshipembe a zwo ngo tea ngeno huna mivhigo ya khakhathi na tshiṱalula kha vhadzulapo vha nnḓa, hu tshi katelwa na vhadzulapo vha Zimbabwe, i tshi khou bvela phanḓa na u bvelela Afrika Tshipembe.

Vhaṅwe vhane vha ṋea vhupfiwa vho ṱuṱuwedza vhadzudzanyi uri vha bvise Mafikizolo vha pange vhaimbi vhahaningei , vha posa milaedza i ngaho “Hai kha Mafikizolo” na “Ee kha Gaffa.”

Nga murahu Econet Zimbabwe yo kovhelana poster   yo khwiniswaho ya khontsathi ye ya vha i sa tsha katela Mafikizolo, zwine zwa khwaṱhisedza   u bviswa ha tshigwada kha tshiitea.

Fhedzi khamphani a yo ngo bvisa tshitatamennde tsha tshiofisi tshine tsha khou talutshedza tsheo kana u amba nga ha fulo la inthanethe line la ita khuwelelo ya uri vhavhili vha khanselwe.

• VHALANI HAFHU: Hungani Ndlovu o wana gig ya u DJ mashangodavha

Mutevhe wo vusuludzwaho wo ṱanganedzwa nga vhathu vhanzhi vha Zimbabwe, vhe vha dzhia tshanduko sa vhuṱanzi ha uri mutsiko wa tshitshavha u nga ṱuṱuwedza tsheo dza vhadzudzanyi.

Naho ho vha na u ṱoḓisisa huhulwane, Mafikizolo kana Econet Zimbabwe a vho ngo amba khagala nga ha zwiitisi zwa u bviswa havho, zwine zwa sia zwi sa ḓivhei arali tsheo yo ṱuṱuwedzwa thwii nga uhanedzwa nga vhathu kana yo bveledzwa nga zwiṅwe zwithu zwi songo ḓivhadzwaho.