Broos o khoda nyaluwo ya Mbokazi kha bola ya milenzhe
Mugudisi wa Bafana Bafana Vho-Hugo Broos vhari Mbekezeli Mbokazi o lugela u tamba kha inwe ya thimu khulwane.
Hezwi zwi khou ḓa nga murahu ha u bvelela hawe kha khaphu ya ḽifhasi zwenezwino.
Mugudisi wa Belgium uri mutambi wa minwaha ya 20 o sumbedza nyaluwo i mangadzaho.
Fhedzi u tea u pfulutshela kha ligi ine ya vha na muṱaṱisano u itela u isa phanḓa na u bveledza bola yawe ya milenzhe.
Mbokazi o vha e muṅwe wa vhatambi vho bvelelaho musi Bafana i tshi swika kha thimu dza 32 dza khwinesa lwa u tou thoma kha ḓivhazwakale.
Mudzulapo wa KwaZulu-Natal o ṱutshela Orlando Pirates mathomoni a khalanwaha yo fhiraho u ya kha tshigwada tsha bola ya milenzhe ya ligi khulwane (MLS) Chicago Fire, he a bvela phanḓa na u takadza.
Musi vha tshi amba phanḓa ha mutambo wa u fhedzisela wa Bafana na Canada, Vho-Hugo Broos vho amba uri vha vhona Mbekezeli Mbokazi sa muṅwe wa vharangaphanḓa vha thimu ya lushaka miṅwahani i ḓaho.
“A si mutambi wavhuḓi fhedzi, fhedzi ndi a tenda uri u ḓo vha murangaphanḓa wa Bafana Bafana tshifhingani tshi ḓaho,” ho amba Broos.
“Ndi na fulufhelo ḽihulwane khae nahone ndi mu vhona a tshi khou fhaṱa mushumo wavhuḓi kha bola ya milenzhe.
“O aluwa vhukuma. Musi a tshi vhambedzwa na zwe nda zwi vhona nwaha wo fhelaho, u khwine vhukuma zwino.”
- VHALANI HAFHU: Thandeka Tshabalala ndi millionaire lwa tshiofisi
Broos uri u tama u vhona Mbokazi a tshi gonya kha dzi ligi khulwane hune a do vha na khaedu khulwane.
“Ri fulufhela uri kha miṅwedzi kana miṅwaha i ḓaho u ḓo gonya kha dziligi khulwane hune a ḓo vha na khaedu khulwane.