MaAfrika Tshipembe vha kuvhanganyela tshelede L’vovo

MaAfrika Tshipembe vho kuvhangana u kuvhanganya masheleni a fhiraho R200,000 u itela ṋaledzi ya kwaito yo bebwaho KwaZulu-Natal Vho-Thokozani Ndlovu, vhane vha ḓivhiwa nga vhathu vhanzhi nga ḽa L’vovo.

Fulo ḽa u kuvhanganya masheleni ḽi tevhela nyambedzano  ye Vho-Ndlovu vha i ṋea Linda Sibiya wa Gagasi FM mafheloni a vhege,

He vha vula nga ha u fhola havho nga murahu ha u farwa nga vhulwadze ha tshiṱirouku he ha  ṱoḓa u vha vhulaha nga Nyendavhusiku 2022.

Tshiimo tsha shishi tsha zwa ngalafho tsho mu kombetshedza uri a bve kha zwithu zwine zwa vhonala uri a sedzane na mutakalo wawe.

Ndlovu o vha a tshi khou phefoma ngei Ndwedwe musi a tshi rwiwa nga vhulwadze ha tshiṱirouku, he ha ita uri sia ḽa tsha monde ḽa muvhili wawe ḽi sa tsha vha na maanḓa nahone zwa kwama nḓila ine a amba ngayo.

Muimbi wa Resista o dzumbulula uri nga murahu ha u lwala, o xelelwa nga zwithu zwothe nahone a tea u vhuyelela hayani Newcastle.

Naho zwo ralo, o engedza nga uri u bva tsheetsho o ita mvelaphanḓa khulwane.
Naho o no dovha a kona u tshimbila, minwe ya tshanḓa tshawe tsha monde i kha ḓi kwamea nahone i kha ḓi vha tshipiḓa tsha lwendo lwawe lwa u fhola lune lwa khou bvela phanḓa.

U ṱuṱuwedzwa nga nyambedzano, mushumisi wazwileludzi zwa vhudavhidzani Yenzie Qiniso Ndimande o thoma fulo ḽa u kuvhanganya masheleni nga Musumbuluwo.

•  VHALANI HAFHU:  Grace o ita vhutambo ha u pebelela ḓuvha ḽa mabebo ḽa Kai

Hu sa athu fhela awara dza sumbe, fulo ḽo kuvhanganya masheleni a fhiraho R100,000 nga kha miṋeelo i bvaho kha maAfrika Tshipembe vho ḓoweleaho na vhaimbi ngavho, hu tshi katelwa Limit Nala na Jumbo.