Rulani Mokwena o amba nga ha u farwa hawe ngei Algeria
Rulani Mokwena o fhedza o amba nga ha u farwa hawe nga murahu ha khombo ye ya mu wela ngei Algeria.
Mugudisi o vhuya a valelwa vhuimabufho ha Houari Boumediene musi a tshi khou lavhelelwa u bva Algeria a tshi ya Libya.
O vha vha tshi khou shuma kha MC Alger ngei Algeria nahone o ḓirula mushumo nga murahu ha musi o wana mushumo wa khwine kha Al Ittihad Tripoli.
O hanedza mavharivhari a u tswa tshelede e a vha a tshi khou vhigwa uri o ṋekedzwa khae.
Kha nyambedzano na vha Marawa Sports Worldwide, Vho-Mokwena vho ṱalutshedza nga vhuḓalo zwe zwa itea kha tshiwo itshi tshe tsha tshuwisa vhanzhi.
O amba uri zwo itea nga murahu ha musi o pfela vhuṱungu nahone a lingedza u shandula vhatambi ngae uri vha dzule kha zwidulo zwa vhanameli kha bufho tshe vha vha vho namela.
A BADELA THELEDE .
Rulani Mokwena o bvukulula uri ndi ene we a badela zwidulo kha tshipiḓa tsha vhanameli he a vha a tshi khou tea u dzula hone.
“Ro vhudzwa uri ri nga dzi shandukisa ra dzi isa hune nda tea u dzula hone.
U amba uri vho mbo ḓi wana uri a vho ngo tendelwa u badela nga garaṱa, fhedzi vha fanela u badela nga tshelede.
Vho ya u i bvisa, ndi musi mafhungo mahulwane a tshi thoma.
Musi vha tshi ya u badela, vha wana mitshini i si tsha shuma, zwine zwa amba uri vha nga si tsha kona u isa phanḓa na maitele a u tshintsha zwidulo.
Hezwi zwo sia vha na tshelede, ndi zwone zwo vhangaho khakhathi ye ya fhedza yo vha ita uri vha dzule vhuimabufho.
Ngauri vho vha vho no bvisa tshelede, nahone ho vha hu si tshe na tshifhinga tsha u dovha hafhu u i dzhenisa banngani.
“Ro vha ri vhathu vhaṋa, ngauralo arali na humbula uri ro vha ro hwala 20 000 Euros, muthu muṅwe na muṅwe o vha o hwala 5 000 Euros…
“Sa nnyi ane a nga tswa tshelede yawe ye a i shuma nga maanḓa.”
- VHALANI HAFHU : Vele Manenje u livhuwa murungi wawe wa Rokho ya SAFTAs19
O mbo ḓi khwaṱhisedza uri zwino o livha Libya hune a wana tshikhala tsha khwine.