Vele Manenje u livhuwa murungi wawe wa Rokho ya SAFTAs19
Pfufho dza Fiḽimu na Thelevishini dza Afrika Tshipembe dzo vha hone vhusiku vhuvhili, nga ḽa 13 na ḽa 14 Ṱhafamuhwe 2026 ngei Johannesburg.
Pfufho dzo pembelela vhuṱali ha vhusiki na vhukoni vhu re murahu ha zwiṱori na kha tshikirini vhane vha khou bvela phanḓa na u anetshela zwiṱori zwo khetheaho.
Musi ri tshi khou pembelela vhawini, hu dovha ha vha na ḽiṅwe sia ḽa pfufho ḽine ḽa sa vhuye ḽa nyadzisa, khaphethe tswuku.
U sumbedza uri hezwi ndi zwa ndeme hani, hu na tshipiḓa tshine tsha vha na vhahashi, vha tshi khou ita inthaviyu na vhaḓivhalea nga ha zwiambaro zwavho.
Ṅwaha uno wo vha u songo fhambana na zwenezwo musi Pamela Mtanga na Katleho Kat Sinivasan vho isa vhaṱaleli kha tshenzhemo ya khaphethe tswuku.
Vele Manenje, ndi muṅwe wa vhaḓivhalea vhe vha vhonala vho nakelela kha SAFTAs19.
Mutambi wa matambwa we a wina pfufho nnzhi o ambara rokho tswuku nga Manyaku M wa UD Fashion House.
Vele o mbo ḓi dzhena kha zwileludzi zwa vhudavhidzani a livhuwa Manyaku.
O mu khoḓa nga nḓila ye a dzhenisa ngayo tshenzhemo dzawe dza vhutshilo na tshanduko kha u ita rokho.
- VHALANI HAFHU: Rulani Mokwena o kuvhanganya thimu ngei Libya
“Heyi ndi ndivhuho yo khetheaho kha stylist wanga na khaladzi anga @manyakum vhe vha dzhia tshifhinga tshavho vha humbula nga ha muhumbulo wa rokho iyi .