Infantino na khumbelo kha vhatikedzi ya uri vha dzike

Muphuresidennde wa FIFA Vho-Gianni Infantino vho humbela vhafuni vha bola ya milenzhe u mona na shango uri vha “dzike”.

U amba hezwi sa izwi hu tshi kha di vha na awara dzi si gathi uri hu thome khaphu ya lifhasi ya 2026.

Hezwi zwi khou ḓa musi FIFA yo sedzana na u sasaladzwa huhulwane nga ha thaidzo dza visa, mbekanyamaitele dza u dzhena kha ḽa US na u ḓura ha thikhithi.

Musi vha tshi khou amba na vhoramafhungo, Vho Gianni Infantino vho imelela nga maanḓa nḓila ye FIFA ya fara ngayo mafhungo aya.

“A ri tshili muyani, ri tshila fhasi. A ri muṋe wa shango ane a nga vhudza mivhuso kana mapholisa zwine vha fanela u zwi ita,” vho ralo.

“Ndi humbela uri ni tsise mafhafhu fhasi.Ri kho shuma nga maanda u wana thandululo.

“Tshiṅwe tshifhinga ri a bvelela, tshiṅwe tshifhinga a ri bveleli.”

Hezwi zwo ambiwa nga murahu ha musi refiri wa Somalia Omar Artan o hanelwa u dzhena kha ḽa US.

Gianni Infantino na ene o imelela thengiso ya thikhithi dza World Cup, a thodea yo fhira nga kule zwe zwa vha zwo lavhelelwa.

Muphuresidennde o bvela phanḓa a ri: “Ro rengisa thikhithi dzi fhiraho milioni dza rathi.”

Ṱhoḓea yo vha i khulwane u fhira zwe ra vha ro zwi lavhelela.”

• VHALANI HAFHU: Tyla u ḓo imba luimbo lwa lushaka kha World Cup 2026

O sumbedza uri arali thikhithi dzo vha dzi sa ḓuri, dzo vha dzi tshi ḓo fhedza ho rengiswa dza vhufhura nga mutengo yo engedzeaho kavhili.